Eýropalyq komissiia EO-ǵa múshe memleketterdiń koronavirýsqa qarsy vaktsinalar men test jiyntyqtaryn satyp alý kezinde aýrýhanalardy, praktik dárigerlerdi jáne jeke tulǵalardy qosymsha qun salyǵynan (QQS) bosatý týraly sheshimin quptady, dep habarlaidy "Ult aqparat".
Búgin Eýroodaqqa múshe barlyq memleket biraýyzdan qabyldaǵan jáne 2020 jylǵy 28 qazandaǵy komissiianyń usynysyna negizdelgen jańa erejeler koronavirýstyń aldyn alý, anyqtaý jáne emdeý úshin qajetti quraldarǵa arzan baǵada qol jetkizýdi qamtamasyz etýge arnalǵan.
Eýrokomissiianyń ekonomika jónindegi komissary Paolo Djentiloni EO elderiniń kelisimi búkil Eýropa aýmaǵynda koronavirýsqa qarsy vaktsinalardy QQS-syz satyp alýdy qamtamasyz etýge kómektesedi dep sanaidy. Komissiia ókiliniń aitýynsha, vaktsinalardy sátti engizý pandemiiamen kúresýde óte mańyzdy jáne bul aldaǵy ailarda EO-nyń basty basymdyǵy bolmaq.
Qazirgi ýaqytta odaqqa múshe memleketter vaktsinalardy satý kezinde QQS-nyń tómendetilgen mólsherlemelerin qoldana alady, biraq nóldik mólsherlemeni qoldana almaidy. Bul rette COVID-19-ǵa testileýge arnalǵan jiyntyqtarǵa jeńildigi bar mólsherlemeler qoldanylmaidy.
«EO-nyń salyq jáne keden saiasaty koronavirýsqa qarsy kúres boiynsha mańyzdy meditsinalyq taýarlarǵa qol jetkizýdi qamtamasyz etýde, sondai-aq ishki naryqqa túsetin taýarlardyń qaýipsizdigin qamtamasyz etýde ajyramas ról atqarady», - dep atap ótti Eýrokomissiiada.
