Finliandiia úkimeti «Terrafame» ken óndirýshi kompaniiasyna ýran óndirýge ruqsat berdi, bul eldi Eýropalyq Odaqtaǵy ýran kenin óndirýshi jalǵyz elge ainaldyrady, dep habarlaidy EurActiv jýrnaly.
Buǵan deiin Chehiia men Rýmyniia osyndai qyzmetterin toqtatqan bolatyn. Bolashaqta fin kompaniiasy ýran kontsentratyna ýran shikizatyn óńdeýdi josparlap otyr. Ol atom elektr stansalaryna otyn óndirýdegi kezeńderdiń birinde qoldanylady.
5 aqpanda berilgen ruqsat Terrafame-ge jylyna 250 tonna ýran óndirýge múmkindik beredi. Degenmen, kompaniianyń baǵalaýy boiynsha, naqty is júzinde óndirý birshama az bolýy da múmkin.
Finliandiianyń eki atom elektr stansasy bul sheshimnen paida kórmeidi. Ýran kontsentratyn Soltústik Amerikaǵa nemese basqa Eýropa elderine eksporttaý josparlanýda.
Alaida, Terrafame eksporttyq qyzmetiniń múmkindigi úshin eldiń Syrtqy ister ministrligi men Atom energiiasy jónindegi Eýropalyq qoǵamdastyqtan ruqsatty talap etedi.
Óz kezeginde Fin tabiǵat qorǵaý qaýymdastyǵy úkimettiń sheshimine Joǵarǵy ákimshilik sotqa shaǵym túsirýi múmkin. Budan bólek, kompaniia buryn tabiǵatty qorǵaý zańnamasyn buzǵan.
Bul protsestiń barlyǵy birneshe jylǵa sozylýy múmkin, sońǵy sheshim 2022 jyldyń basyna deiin shyqpaýy múmkin.
