فينلياندييا ٷكٸمەتٸ «Terrafame» كەن ٶندٸرۋشٸ كومپانيياسىنا ۋران ٶندٸرۋگە رۇقسات بەردٸ, بۇل ەلدٸ ەۋروپالىق وداقتاعى ۋران كەنٸن ٶندٸرۋشٸ جالعىز ەلگە اينالدىرادى, دەپ حابارلايدى EurActiv جۋرنالى.
بۇعان دەيٸن چەحييا مەن رۋمىنييا وسىنداي قىزمەتتەرٸن توقتاتقان بولاتىن. بولاشاقتا فين كومپانيياسى ۋران كونتسەنتراتىنا ۋران شيكٸزاتىن ٶڭدەۋدٸ جوسپارلاپ وتىر. ول اتوم ەلەكتر ستانسالارىنا وتىن ٶندٸرۋدەگٸ كەزەڭدەردٸڭ بٸرٸندە قولدانىلادى.
5 اقپاندا بەرٸلگەن رۇقسات Terrafame-گە جىلىنا 250 توننا ۋران ٶندٸرۋگە مٷمكٸندٸك بەرەدٸ. دەگەنمەن, كومپانييانىڭ باعالاۋى بويىنشا, ناقتى ٸس جٷزٸندە ٶندٸرۋ بٸرشاما از بولۋى دا مٷمكٸن.
فينلياندييانىڭ ەكٸ اتوم ەلەكتر ستانساسى بۇل شەشٸمنەن پايدا كٶرمەيدٸ. ۋران كونتسەنتراتىن سولتٷستٸك امەريكاعا نەمەسە باسقا ەۋروپا ەلدەرٸنە ەكسپورتتاۋ جوسپارلانۋدا.
الايدا, Terrafame ەكسپورتتىق قىزمەتٸنٸڭ مٷمكٸندٸگٸ ٷشٸن ەلدٸڭ سىرتقى ٸستەر مينيسترلٸگٸ مەن اتوم ەنەرگيياسى جٶنٸندەگٸ ەۋروپالىق قوعامداستىقتان رۇقساتتى تالاپ ەتەدٸ.
ٶز كەزەگٸندە فين تابيعات قورعاۋ قاۋىمداستىعى ٷكٸمەتتٸڭ شەشٸمٸنە جوعارعى ەكٸمشٸلٸك سوتقا شاعىم تٷسٸرۋٸ مٷمكٸن. بۇدان بٶلەك, كومپانييا بۇرىن تابيعاتتى قورعاۋ زاڭناماسىن بۇزعان.
بۇل پروتسەستٸڭ بارلىعى بٸرنەشە جىلعا سوزىلۋى مٷمكٸن, سوڭعى شەشٸم 2022 جىلدىڭ باسىنا دەيٸن شىقپاۋى مٷمكٸن.
