Foto: instagram.com/secblinken
AQSh Memlekettik hatshysy Entoni Blinken Twitter paraqshasynda Qazaqstan Prezidentine jáne elimizdiń Syrtqy ister ministrligine alǵys aityp, jazba qaldyrdy, dep habarlaidy "Ult aqparat".
"Qaiyrly kún, Qazaq eli! Men osynda ótkizgen saparym men nátijeli kezdesýlerden lázzat aldym. Prezident @TokayevKZ (Qasym-Jomart Toqaevtyń Twitter-degi paraqshasy – esk.) jáne @MFA_KZ (Qazaqstan SIM Twitter-degi paraqshasy – esk.) Qazaqstanda jyly qarsy alǵanyńyz jáne #C5plusUS ótkizgenińiz úshin alǵys aitamyz", - delingen jazbada.
Eske salaiyq, 28 aqpanda AQSh Memlekettik hatshysy Entoni Blinken Astanaǵa resmi saparmen kelip, QR Prezidenti Qasym-Jomart Toqaevpen jáne Syrtqy ister ministri Muhtar Tileýberdimen kezdesti. Sondai-aq ol Ortalyq Aziiadaǵy bes respýblika ókilderimen «S5+1» formatyndaǵy ministrler kezdesýine qatysty.
