Álemge tanymal ispaniialyq ánshi Enrike Iglesias Qazaqstandaǵy aldaǵy kontsertteri qarsańynda qazaq jankúierlerine qazaq tilinde sálem joldady, dep habarlaidy ult.kz.
Oqiǵa Polshadaǵy Gdansk qalasynda ótken kontsert kezinde bolǵan. Sahna syrtyndaǵy kezdesýde qazaqstandyq jankúierler ánshige elimizde keńinen tanymal shokoladty syiǵa tartqan. Tosyn syidy qabyldaǵan ánshi qazaq tilinde «Alǵa, Qazaqstan!» dep aityp, jankúierlerge jyly lebizin jetkizdi.
Foto: uiymdastyrýshylardan
Qazaqstandyqtardyń sheteldik dostary men tanymal tulǵalarǵa ulttyq ónimderdi syiǵa tartýy burynnan qalyptasqan dástúrdiń biri. Mundai syi-siiapat arqyly eldiń mádenieti men ónimderi de nasihattalyp jatady.
Gdanskidegi kontsert ánshiniń álemdik týry aiasynda ótti. Uiymdastyrýshylardyń málimetinshe, shoýǵa shamamen 40 myń kórermen jinalǵan. Kontsertke kelgen jankúierlerdiń bir bóligi arena mańyna birneshe saǵat buryn kele bastaǵan.
Endi osy kontserttik baǵdarlama qazaqstandyq kórermenderge de usynylmaq. Ánshi 3 qyrkúiekte Astana qalasynda, al 5 qyrkúiekte Almaty qalasynda óner kórsetedi.
Kontsert barysynda oryndaýshynyń keńinen tanylǵan ánderi shyrqalady dep josparlanǵan. Olardyń qatarynda Bailando, Hero, Escape jáne Súbeme la Radio sekildi kompozitsiialar bar.
Uiymdastyrýshylardyń aitýynsha, kontsert baǵdarlamasy kórermenniń yqylasyna qarai ózgerýi múmkin. Ánshi sahnada jankúierlermen erkin qarym-qatynas jasap, kórermenderdiń syilyqtary men tilekterine nazar aýdarady.
Osylaisha, Astana men Almatyda ótetin kontsertter halyqaralyq deńgeidegi mýzykalyq sharalardyń biri retinde qala turǵyndary men qonaqtaryna usynylmaq.
