Gollivýd aktrisasy Enn Heteýei uzaq ýaqyt boiy densaýlyǵyna qatysty aýyr máseleni jasyryn ótkergenin málimdedi. Aktrisanyń aitýynsha, ol erte satydaǵy katarakta saldarynan 10 jyl boiy sol kóziniń kórý qabiletinen aiyrylyp, zańdy túrde «soqyr» sanalǵan, dep habarlaidy ult.kz.
43 jastaǵy juldyz bul týraly The New York Times basylymynyń Popcast podkastynda aityp bergen. Onyń sózinshe, aýrý kórý qabiletine qatty áser etip, keiin ota jasaýǵa týra kelgen.
«Jaǵdaidyń qanshalyqty aýyr ekenin tolyq kóre bastaǵanda ǵana túsindim», – dedi aktrisa.
Katarakta – kóz burshaǵynyń buldyraýy. Mamandardyń aitýynsha, bul dert hirýrgiialyq jolmen emdeledi. Aýrý kórýdiń bulyńǵyrlanýyna, tústerdiń kómeskilenýine jáne jaryqqa sezimtaldyqtyń artýyna sebep bolýy múmkin.
Aktrisanyń bul málimdemesi jankúierlerin tańǵaldyrdy. Áleýmettik jeli qoldanýshylary onyń osyndai qiyndyqpen júrip, kóptegen filmderge túsip, bul týraly eshqashan shaǵymdanbaǵanyna tánti bolǵandaryn jazdy.
Enn Heteýei «Diavol nosit Prada» filmindegi Endi Saks róli arqyly keńinen tanyldy. Filmde ol sán jýrnaly redaktsiiasyna jumysqa ornalasqan jas jýrnalistiń obrazyn somdaǵan. Film alǵash 2006 jyly shyqqan, biyl «Diavol nosit Prada – 2» jaryqqa shyqty. Jiyrma jyl ótkende úlken ekranǵa qaita oralǵan film kópshiliktiń qyzyǵýshylyǵyn týdyrdy. Sondai-aq basty rólderdiń birin somdaǵan Heteýeige de kórermen nazary buryldy.
Qazir aktrisa jańa «Ana Mariia» filmine daiyndalyp jatyr.
