Almatyda enesine jynystyq sipattaǵy zorlyq-zombylyq kórsetti degen kúdikpen er adam ustaldy, dep habarlaidy ult.kz.
Oqiǵa 17 tamyzda bolǵan. Aldyn ala málimet boiynsha, kúdikti 1961 jyly týǵan enesiniń úiine «shai ishýge» barǵan. Jábirlenýshiniń dármensiz jaǵdaiyn paidalanyp, oǵan qatysty zorlyq áreketin jasaǵan degen kúdikke ilindi.
Áieldiń úsh balasy bar. Onyń bir balasy erekshe kútimdi qajet etedi. Jábirlenýshi úsh jyl buryn aýyr jol apatyna túsip, sodan beri densaýlyǵyna bailanysty qiyndyqtarǵa tap bolǵan.
Oqiǵa jábirlenýshiniń qyzy politsiiaǵa aryzdanǵannan keiin belgili bolǵan. Ol óz kúieýiniń ústinen shaǵym túsirip, anasynyń quqyǵyn qorǵaýǵa tyrysqan.
Buǵan deiin is boiynsha sot-meditsinalyq saraptama qujattarynyń durys rásimdelmeýine bailanysty tergeý protsesi sozylyp ketkeni aitylǵan. Osydan keiin qoǵam belsendileri isti baqylaýǵa alyp, qala prokýratýrasy men zańgerlerdi aralasýǵa shaqyrǵan.
Qazirgi ýaqytta oqiǵaǵa qatysty tergeý amaldary júrgizilip jatyr. Istiń mán-jaiy anyqtalýda.
