Sanitariia dárigerleri konservanttar mólsheri artqan energetikalyq sýsyndardy anyqtady, - dep habarlaidy "Ult aqparat" Sanitariialyq-epidemiologiialyq baqylaý komiteti saityna silteme jasap.
Sanitariialyq epidemiologiialyq baqylaý komiteti Qostanai oblysynyń saýda jelisinde satylatyn ónimderdiń qaýipsizdigin monitoringteý qorytyndysy boiynsha "Kofeinmen jáne taýrinmen Flash up energy" (163,3 mg/l) jáne "Monster Energy" (173,72 mg/l) alkogolsiz, energetikalyq gazdalǵan sýsyndaryndaǵy natrii benzoatynyń (E211) artqanyn anyqtady.
"Sýsyndardy óndirýshiler - "Baltika" "Syraqainatý kompaniiasy" JShQ (Resei Federatsiiasy) jáne "Refresco Benelux B.V" (Niderlandy Koroldigi) kompaniiasy. Azyq-túlikti uzaq ýaqyt saqtaý úshin, taǵamdyq qospalar konservanttar retinde qoldanylady", - delingen habarlamada.
Vedomstvo ónimder partiiasy satylymnan shyǵarylyp, al jetkizýshige ishimdikterdi satý ainalymynan alyp tastaý boiynsha sharalar qabyldaý tapsyrylǵanyn aitty.
Sanitar dárigerler quramynda natrii benzoaty bar taǵamdar men sýsyndardy júktilik kezinde qoldaný usynylmaitynyn, óitkeni bul zat allergiialyq reaktsiialar týdyrýy múmkin ekenin de eskertti.
Keibir adamdarda konservanttyń artyq bolýy lokalizatsiialanǵan qyshý, jótel, qyzarý, bórtpe, isiný siiaqty jeńil belgilerdi týdyrýy múmkin. Sondai-aq natrii benzoaty aǵzada jinalýy múmkin, bul ózdiginen qaýipti. Bul ásirese jasóspirimderge qatysty.
Aqparat boiynsha, komitet Reseidiń "Tutynýshylardyń quqyqtaryn qorǵaý jáne adamnyń ál-aýqatyn baqylaý qyzmetine" (Rospotrebnadzor) osy óndirýshilerdiń ónimderin zerthanalyq kúsheitilgen baqylaýǵa alý týraly habarlama jiberdi.
"Eske salaiyq, "Tutynýshylardyń quqyqtaryn qorǵaý týraly" QR Zańynyń 6-babyna sáikes, QR DSM Sanitariialyq-epidemiologiialyq baqylaý komiteti tutynýshylardy adam densaýlyǵy men ómirine qaýip tóndiretin tamaq ónimderiniń anyqtalǵany týraly habardar etýge quqyly", - deidi komitet.
