Energetika ministrliginiń resmi ókili bolyp Serikjan Ermentaev taǵaiyndaldy, – dep habarlaidy ministrliktiń baspasóz qyzmeti.
«17 qańtardan bastap ministrdiń keńesshisi - Energetika ministrliginiń resmi ókili qyzmetine Serikjan Ermentaev keldi», - delingen habarlamada.
Serikjan Ermentaevtyń buqaralyq aqparat quraldarymen jumysta tájiribesi bar. Kvazimemlekettik sektorda basshylyq laýazymdarda bolǵan. Buǵan deiin Atyraý oblysy ákimi apparatynyń baspasóz qyzmetin basqarǵan.
Buǵan deiingi resmi ókil - Qazaqstan Respýblikasy Energetika ministrligi Strategiialyq jáne aqparattyq damý departamenti direktorynyń orynbasary Nurlybek Jeńisbek prezidenttik kadrlar rezervine kirip, basqa jumysqa aýysyp jatyr.
