Energetika vitse-ministri Mahambet Dosmuhambetov búgingi Úkimet otyrysynda janar-jaǵarmai boiynsha eldegi ahýal týraly aitty, dep habarlaidy QazAqparat tilshisi.
«10 qazandaǵy jaǵdai boiynsha janar-jaǵarmai qaldyqtary ishki naryqtyń qajettiligin jabýǵa jetip jatyr. Naqtyraq aitqanda, AI-92 benzininiń qory - 327 myń tonnany, dizeldik otyn 200,6 myń tonnany quraidy. Bul, 17 kúnge jetedi», - dedi vitse-ministr.
Ol sonymen qatar, elimizdiń iri ken oryndary qansha munai óndirgenin aityp berdi.
«Jyl basynan beri munai kondensattarynyń kólemi 67,3 mln tonnany qurady. Demek, 2017 jyldyń sáikes kezeńimen salystyrǵanda 5,3 paiyzdyq ósimdi kórsetip otyr. Úsh iri joba boiynsha munai óndirisiniń kólemi 40,2 mln tonnaǵa jetti. Atap aitqanda, Qashaǵan ken ornynda - 9,5 mln, Teńizde - 21,5 tonna, Qarashyǵanaqta 9,2 mln tonna munai óndirildi», - dedi Mahambet Dosmuhambetov.
Vitse-ministrdiń aitýynsha, munai eksporty da artqan.
«Munai eksporty 54,2 mln tonnany kórsetti. Iaǵni, bul ótken jyldyń osyndai kezeńimen salystyrǵanda 4,6 paiyzǵa kóp. Óńdelgen munaidyń mólsheri 12,6 mln tonnalyq kórsetkishke ie», - deidi ol.
Mahambet Dosmuhambetov atap ótkendei, munai ónimderi naryǵyndaǵy jalpy jaǵdai - turaqty, janar-jaǵarmaidyń jetispeýshiligi sezilmeidi.
«10 qazandaǵy jaǵdai boiynsha AI-92 markaly benzinniń bólshekti baǵasy litrine 155,22 teńgeni, al dizeldik otynnyń baǵasy 191,81 teńgeni kórsetti», - dep túidi ol.
