ەنەرگەتيكا ۆيتسە-مينيسترٸ ماحامبەت دوسمۇحامبەتوۆ بٷگٸنگٸ ٷكٸمەت وتىرىسىندا جانار-جاعارماي بويىنشا ەلدەگٸ احۋال تۋرالى ايتتى, دەپ حابارلايدى قازاقپارات تٸلشٸسٸ.
«10 قازانداعى جاعداي بويىنشا جانار-جاعارماي قالدىقتارى ٸشكٸ نارىقتىڭ قاجەتتٸلٸگٸن جابۋعا جەتٸپ جاتىر. ناقتىراق ايتقاندا, اي-92 بەنزينٸنٸڭ قورى - 327 مىڭ توننانى, ديزەلدٸك وتىن 200,6 مىڭ توننانى قۇرايدى. بۇل, 17 كٷنگە جەتەدٸ», - دەدٸ ۆيتسە-مينيستر.
ول سونىمەن قاتار, ەلٸمٸزدٸڭ ٸرٸ كەن ورىندارى قانشا مۇناي ٶندٸرگەنٸن ايتىپ بەردٸ.
«جىل باسىنان بەرٸ مۇناي كوندەنساتتارىنىڭ كٶلەمٸ 67,3 ملن توننانى قۇرادى. دەمەك, 2017 جىلدىڭ سەيكەس كەزەڭٸمەن سالىستىرعاندا 5,3 پايىزدىق ٶسٸمدٸ كٶرسەتٸپ وتىر. ٷش ٸرٸ جوبا بويىنشا مۇناي ٶندٸرٸسٸنٸڭ كٶلەمٸ 40,2 ملن تونناعا جەتتٸ. اتاپ ايتقاندا, قاشاعان كەن ورنىندا - 9,5 ملن, تەڭٸزدە - 21,5 توننا, قاراشىعاناقتا 9,2 ملن توننا مۇناي ٶندٸرٸلدٸ», - دەدٸ ماحامبەت دوسمۇحامبەتوۆ.
ۆيتسە-مينيستردٸڭ ايتۋىنشا, مۇناي ەكسپورتى دا ارتقان.
«مۇناي ەكسپورتى 54,2 ملن توننانى كٶرسەتتٸ. ياعني, بۇل ٶتكەن جىلدىڭ وسىنداي كەزەڭٸمەن سالىستىرعاندا 4,6 پايىزعا كٶپ. ٶڭدەلگەن مۇنايدىڭ مٶلشەرٸ 12,6 ملن توننالىق كٶرسەتكٸشكە يە», - دەيدٸ ول.
ماحامبەت دوسمۇحامبەتوۆ اتاپ ٶتكەندەي, مۇناي ٶنٸمدەرٸ نارىعىنداعى جالپى جاعداي - تۇراقتى, جانار-جاعارمايدىڭ جەتٸسپەۋشٸلٸگٸ سەزٸلمەيدٸ.
«10 قازانداعى جاعداي بويىنشا اي-92 ماركالى بەنزيننٸڭ بٶلشەكتٸ باعاسى ليترٸنە 155,22 تەڭگەنٸ, ال ديزەلدٸك وتىننىڭ باعاسى 191,81 تەڭگەنٸ كٶرسەتتٸ», - دەپ تٷيدٸ ول.
