Jielep ketken qaýesetter men áleýmettik jelilerdegi ártúrli aqparattarǵa bailanysty QR Energetika ministrligi málimdeme jasady.
"Elimizde halyqty kómirmen qamtamasyz etýge qatysty jaǵdai turaqty. Qazaqstannyń birde-bir óńirinde qatty otynǵa tapshylyq joq, eshqandai dúrlikpe baiqalmaidy. Tuiyqtardaǵy úlken kezekter jáne júk mashinalarynyń talasýy jónindegi taratylyp jatqan videolar feik jáne qazirgi ýaqyttaǵy jaǵdaiǵa sáikes kelmeidi. Sonymen qatar QR Energetika ministrligi oblys ákimdikterimen jáne «Qazaqstan Temir Joly» UK AQ-men birlesip óńirlerge kómirdi jetkizýge táýlik saiynǵy monitoring júrgizýde, bul másele turaqty baqylaýda", - deidi ministrlik ókilderi.
2017 jyly elimizde 106,7 mln. tonna kómir óndirildi, bul 2016 jylǵy kórsetkishten 8,2 mln. tonnaǵa artyq, eksportqa 29,3 mln. tonna kómir shyǵaryldy. Qalǵan kómir ishki qajettilikke jumsaldy. Osy oraida Qazaqstannyń energiia óndirýshi uiymdaryna 56,3 mln. tonna, iaǵni 2016 jylmen salystyrǵanda 7,1 mln. tonnaǵa artyq kómir berildi.
Jedel derekterge sáikes 30 qańtarǵa deiingi merzimde óndirilgen kómir kólemi 8,6 mln. tonnany qurady.
Tutynýshylarǵa kommýnaldyq-turmystyq qajettilikke 763,8 myń.tonna kómir jiberildi, iaǵni aldyńǵy jyldyń sáikes kezeńimen salystyrǵanda 72%.
«Qazaqstan Temir Joly» AQ málimetine sáikes 2018 jyldyń 30 qańtaryna deiingi merzimde temir jol kóligimen kommýnaldyq-turmystyq qajettilikke jáne halyqqa 457,2 myń tonna kómir jóneltildi. Avtokólikpen 300 myń tonna kómir túsirildi.
2018 jylǵy 30 qańtardaǵy jaǵdai boiynsha QR Energetika ministrliginiń jedel málimetterine sáikes kómirdiń qory men jetkizilýi oblystar boiynsha tómende berilgen:
Aqmola oblysy – 85,9 myń tonna; Astana q. – 17,2 myń tonna; Aqtóbe oblysy – 2,1 myń tonna; Almaty oblysy – 77,4 myń tonna; Almaty q. – 6,8 myń tonna; Shyǵys Qazaqstan oblysy – 114,7 myń tonna; Jambyl oblysy – 8,9 myń tonna; Qaraǵandy oblysy – 53,0 myń tonna; Qostanai oblysy – 24,3 myń tonna; Pavlodar oblysy – 9,8 myń tonna.
