Energetika ministri Qanat Bozymbaev elektr energiiasynyń jańartylǵan tarifin bekitý týraly buiryq shyǵardy, dep habarlaidy QazAqparat tilshisi.
«Elektr energiiasynyń usynylǵan shekti tarifi bekitilsin. Elektr energetikasy salasyndaǵy memlekettik saiasatty júzege asyrý departamenti QR bekitilgen zańnamasyna sáikes: osy buiryqtyń QR Ádilet ministrliginde tirkelýin, osy buiryq tirkelgennen keiin 10 kúntizbelik kúnniń ishinde qazaq jáne orys tilinde resmi túrde jariialap, QR NQQ Etalondy baqylaý bankine engizý úshin «Respýblikalyq quqyqtyq aqparat ortalyǵy» respýblikalyq memlekettik kásipornyna joldanýyn, atalmysh buiryqty QR Energetika ministrliginiń internet-resýrsyna jariialanýyn qamtamasyz etsin», - delingen ministrdiń buiryǵynda.
Qujatta atalyp ótkendei, buiryq 2019 jyldyń 1 qańtarynan bastap kúshine enedi.
Eske sala ketsek, ótken aida Qazaqstan Prezidenti energiia tarifine qatysty másele alańdaýshylyq týdyryp otyrǵanyn, tabiǵi monopoliia qyzmetiniń tarifin belgileý boiynsha tártipti ornatý týraly tapsyrma bergenin aitqan edi.
