Áýe otyny boiynsha kórsetkish 131 myń tonnaǵa teń. Bul týraly Úkimet otyrysynda biylǵy qańtar-naýryz ailarynyń qorytyndysy boiynsha otyn-energetika keshenin talqylaý kezinde QR Energetika ministri Nurlan Noǵaev málim etti, dep habarlaidy "Ult aqparat".
«Áýe otyny boiynsha kórsetkish 131 myń tonnaǵa teń, iaǵni biylǵy qańtar-naýryz ailarynyń josparyna 100,6 paiyzdy qurady. Mazýt óndirisine toqtalatyn bolsam, onyń kórsetkishi 681 myń tonnany qurap, qańtar-naýryz ailarynyń josparyna 113 paiyzǵa jetti», - dedi ministr.
Sonymen qatar, esepti kezeńde bitým óndirisi 111 myń tonnaǵa jetti, josparyna 92,2 paiyzǵa oryndaldy. Bekitilgen josparǵa qol jetkizý kelesi ailarda óteledi.
«Tutastai alǵanda, munaigaz-himiia ónimderiniń kólemi 37 myń tonnaǵa jetti, bul aǵymdaǵy jyldyń qańtar-naýryz ailarynyń josparyna 46,6 paiyzdy quraidy. Munaigaz-himiia óndirisi kórsetkishiniń tómen bolýynyń sebebi benzol jáne paraksilol ónimderin shyǵaratyn Atyraý munai óńdeý zaýytynyń joǵaryda atalǵan sebeptermen toqtaýyna bailanysty boldy. Munaigaz-himiia ónimderin óndirýdiń negizgi kólemi atalmysh zaýytqa tiesili ekenin atap ótemin», - dedi N. Noǵaev.
Budan buryn habarlanǵandai, atalǵan kórsetkishterdiń tómendeý sebepteri aǵymdaǵy jyldyń qańtar aiynda Atyraý munai óńdeý zaýytynda elektr energiiasyn jetkizýde paida bolǵan irkiliske bailanysty.
Bul tehnologiialyq qondyrǵylardyń avariialyq toqtaýyna ákeldi, sonyń saldarynan jóndeý jáne qalpyna keltirý jumystaryn júrgizý qajettiligi týyndady.
