ەۋە وتىنى بويىنشا كٶرسەتكٸش 131 مىڭ تونناعا تەڭ. بۇل تۋرالى ٷكٸمەت وتىرىسىندا بيىلعى قاڭتار-ناۋرىز ايلارىنىڭ قورىتىندىسى بويىنشا وتىن-ەنەرگەتيكا كەشەنٸن تالقىلاۋ كەزٸندە قر ەنەرگەتيكا مينيسترٸ نۇرلان نوعاەۆ مەلٸم ەتتٸ, دەپ حابارلايدى "ۇلت اقپارات".
«ەۋە وتىنى بويىنشا كٶرسەتكٸش 131 مىڭ تونناعا تەڭ, ياعني بيىلعى قاڭتار-ناۋرىز ايلارىنىڭ جوسپارىنا 100,6 پايىزدى قۇرادى. مازۋت ٶندٸرٸسٸنە توقتالاتىن بولسام, ونىڭ كٶرسەتكٸشٸ 681 مىڭ توننانى قۇراپ, قاڭتار-ناۋرىز ايلارىنىڭ جوسپارىنا 113 پايىزعا جەتتٸ», - دەدٸ مينيستر.
سونىمەن قاتار, ەسەپتٸ كەزەڭدە بيتۋم ٶندٸرٸسٸ 111 مىڭ تونناعا جەتتٸ, جوسپارىنا 92,2 پايىزعا ورىندالدى. بەكٸتٸلگەن جوسپارعا قول جەتكٸزۋ كەلەسٸ ايلاردا ٶتەلەدٸ.
«تۇتاستاي العاندا, مۇنايگاز-حيمييا ٶنٸمدەرٸنٸڭ كٶلەمٸ 37 مىڭ تونناعا جەتتٸ, بۇل اعىمداعى جىلدىڭ قاڭتار-ناۋرىز ايلارىنىڭ جوسپارىنا 46,6 پايىزدى قۇرايدى. مۇنايگاز-حيمييا ٶندٸرٸسٸ كٶرسەتكٸشٸنٸڭ تٶمەن بولۋىنىڭ سەبەبٸ بەنزول جەنە پاراكسيلول ٶنٸمدەرٸن شىعاراتىن اتىراۋ مۇناي ٶڭدەۋ زاۋىتىنىڭ جوعارىدا اتالعان سەبەپتەرمەن توقتاۋىنا بايلانىستى بولدى. مۇنايگاز-حيمييا ٶنٸمدەرٸن ٶندٸرۋدٸڭ نەگٸزگٸ كٶلەمٸ اتالمىش زاۋىتقا تيەسٸلٸ ەكەنٸن اتاپ ٶتەمٸن», - دەدٸ ن. نوعاەۆ.
بۇدان بۇرىن حابارلانعانداي, اتالعان كٶرسەتكٸشتەردٸڭ تٶمەندەۋ سەبەپتەرٸ اعىمداعى جىلدىڭ قاڭتار ايىندا اتىراۋ مۇناي ٶڭدەۋ زاۋىتىندا ەلەكتر ەنەرگيياسىن جەتكٸزۋدە پايدا بولعان ٸركٸلٸسكە بايلانىستى.
بۇل تەحنولوگييالىق قوندىرعىلاردىڭ اۆارييالىق توقتاۋىنا ەكەلدٸ, سونىڭ سالدارىنان جٶندەۋ جەنە قالپىنا كەلتٸرۋ جۇمىستارىن جٷرگٸزۋ قاجەتتٸلٸگٸ تۋىندادى.
