Májiliste TMD-ǵa múshe memleketterdiń avtokólik quraldarynyń jymqyrylýyna qarsy birlese kúresýdi kúsheitýge baǵyttalǵan zań jobasy maquldandy, dep habarlaidy "Ult aqparat".
Májilistiń jalpy otyrysynda zań jobasyn tanystyrǵan Ishki ister ministri Erlan Turǵymbaev qoldanylǵan avtokólik saimandary tehnikalyq qujatsyz satylymǵa shyǵarylmaitynyn málim etti.
«El ishinde birshama zańnamalyq bastamalar legin, onyń ishnide ishki saýda erejeleri týrasynda erejelerdi engizdik. Ótken jyldyń maýsym aiynda tiisti norma engizip, oǵan sáikes avtokólik saimandary tek arnaiy dúkenderde satylýy kerektigin bekittik. Qazirgi tańda bul arnaiy dúkenderdegi baqylaý kúsheitildi. Lombardtaǵydai, endigári dúken iesi saimandy satý úshin kóliktiń tehnikalyq qujaty men óziniń jeke kýáligin kórsetýi kerek. Iaǵni kólik saimany bazarynyń ózinde qai saiman qai kólikten alynǵanyn bilip otyramyz», - dedi Erlan Turǵymbaev.
Ministr sonymen qatar aqparattyq júielerdiń integratsiia týraly da sóz qozǵady.
«Búgingi tańda politsiia qyzmetkerlerinde 6 myń planshet bar. Avtokólikke qatysty álimetter bazasy integratsiialandy. Memleket basshysynyń tapsyrmasymen tiisti normany engizip, júrgizýshige mindetti túrde quqyǵyn rastaityn qujattardy alyp júrý erejesin alyp tastaǵaly jatyrmyz. Jeke kýáligi bolsa boldy. Sebebi qalǵan qujattardyń bárin biz planshet arqyly kórip otyramyz. Júrgizýshiniń qandai kóligi bar, qansha senimhat jazyldy, saqtandyrý polisi qashan aiaqtalady, tehnikalyq tekseristen qashan ótti, aiyppuly qansha – bári de planshette kórinip turady. Sonymen qatar biz planshetterdiń bárin qazir kóshedegi videokameralarmen integratsiialap jatyrmyz», - dedi ol.
