Sanitarlyq-epidemiologiialyq baqylaý komietiniń resmi ókili Erjan Baitanaev Pfizer vaktsinasy qazaqstandyqtardyń keibir sanaty úshin aqyly bolatyny týraly aqparatty teriske shyǵardy, dep habarlaidy QazAqparat.
Keshegi ótken Qazaqstan aýmaǵynda koronavirýs infektsiiasynyń taralýynyń aldyn alý jónindegi vedomstvoaralyq komissiianyń otyrysynda «Pfizer» preparatymen vaktsinalaýǵa jatatyn adamdar kontingentin keńeitý týraly sheshim qabyldanǵany habarlanǵan bolatyn. Osy málimettiń negizinde áleýmettik jelide Pfizer vaktsinasy aqyly negizde salynatyny týraly aqparattar tarady. Erjan Baitanaevtyń aitýynsha, bul aqparat shyndyqqa janaspaidy.
«Qazaqstan aýmaǵynda koronavirýs infektsiiasyna qarsy aqyly vaktsinalaý múlde atymen joq. Sondyqtan, Pfizer vaktsinasy aqyly bolady degen aqparattyń jalǵan ekenin túsiný kerek. Vaktsina alýǵa jatatyn kez kelgen adam kez kelgen vaktsinalaý beketine nemese emhanaǵa baryp, Pfizer vaktsinasyn salǵyza alady», - dedi komitettiń resmi ókili.
Sondai-aq, ol Pfizer vaktsinasyn alýǵa quqyly azamattardyń sanaty qalai keńeitilgenin túsindirdi.
«Eger buǵan deiin koronavirýsqa qarsy vaktsina alyp kórmegen bolsańyz, Pfizer -diń birinshi jáne ekinshi dozasyn alýyńyzǵa bolady. Al buǵan deiin basqa vaktsina alyp qoiǵan bolsańyz, revaktsinatsiiaǵa Pfizer -di qabyldai alasyz. Shetelden Pfizer -diń alǵashqy dozasyn alyp qoiǵan bolsańyz, Qazaqstanda qalǵan dozasyn salǵyzýyńyzǵa bolady. Shetelge shyǵý qajet bolsa, onda da Pfizer -di qabyldaýyńyzǵa bolady. Demek Qazaqstan aýmaǵynda Pfizer vaktsinasyn salǵyzý boiynsha eshbir shekteý joq. Elimizde koronavirýsqa qarsy belgilengen vaktsinanyń tolyq qory bar. Pfizer boiynsha da tapshylyq joq», - dedi Erjan Baitanaev.
