سانيتارلىق-ەپيدەميولوگييالىق باقىلاۋ كوميەتٸنٸڭ رەسمي ٶكٸلٸ ەرجان بايتاناەۆ Pfizer ۆاكتسيناسى قازاقستاندىقتاردىڭ كەيبٸر ساناتى ٷشٸن اقىلى بولاتىنى تۋرالى اقپاراتتى تەرٸسكە شىعاردى, دەپ حابارلايدى قازاقپارات.
كەشەگٸ ٶتكەن قازاقستان اۋماعىندا كوروناۆيرۋس ينفەكتسيياسىنىڭ تارالۋىنىڭ الدىن الۋ جٶنٸندەگٸ ۆەدومستۆوارالىق كوميسسييانىڭ وتىرىسىندا «Pfizer» پرەپاراتىمەن ۆاكتسينالاۋعا جاتاتىن ادامدار كونتينگەنتٸن كەڭەيتۋ تۋرالى شەشٸم قابىلدانعانى حابارلانعان بولاتىن. وسى مەلٸمەتتٸڭ نەگٸزٸندە ەلەۋمەتتٸك جەلٸدە Pfizer ۆاكتسيناسى اقىلى نەگٸزدە سالىناتىنى تۋرالى اقپاراتتار تارادى. ەرجان بايتاناەۆتىڭ ايتۋىنشا, بۇل اقپارات شىندىققا جاناسپايدى.
«قازاقستان اۋماعىندا كوروناۆيرۋس ينفەكتسيياسىنا قارسى اقىلى ۆاكتسينالاۋ مٷلدە اتىمەن جوق. سوندىقتان, Pfizer ۆاكتسيناسى اقىلى بولادى دەگەن اقپاراتتىڭ جالعان ەكەنٸن تٷسٸنۋ كەرەك. ۆاكتسينا الۋعا جاتاتىن كەز كەلگەن ادام كەز كەلگەن ۆاكتسينالاۋ بەكەتٸنە نەمەسە ەمحاناعا بارىپ, Pfizer ۆاكتسيناسىن سالعىزا الادى», - دەدٸ كوميتەتتٸڭ رەسمي ٶكٸلٸ.
سونداي-اق, ول Pfizer ۆاكتسيناسىن الۋعا قۇقىلى ازاماتتاردىڭ ساناتى قالاي كەڭەيتٸلگەنٸن تٷسٸندٸردٸ.
«ەگەر بۇعان دەيٸن كوروناۆيرۋسقا قارسى ۆاكتسينا الىپ كٶرمەگەن بولساڭىز, Pfizer -دٸڭ بٸرٸنشٸ جەنە ەكٸنشٸ دوزاسىن الۋىڭىزعا بولادى. ال بۇعان دەيٸن باسقا ۆاكتسينا الىپ قويعان بولساڭىز, رەۆاكتسيناتسيياعا Pfizer -دٸ قابىلداي الاسىز. شەتەلدەن Pfizer -دٸڭ العاشقى دوزاسىن الىپ قويعان بولساڭىز, قازاقستاندا قالعان دوزاسىن سالعىزۋىڭىزعا بولادى. شەتەلگە شىعۋ قاجەت بولسا, وندا دا Pfizer -دٸ قابىلداۋىڭىزعا بولادى. دەمەك قازاقستان اۋماعىندا Pfizer ۆاكتسيناسىن سالعىزۋ بويىنشا ەشبٸر شەكتەۋ جوق. ەلٸمٸزدە كوروناۆيرۋسقا قارسى بەلگٸلەنگەن ۆاكتسينانىڭ تولىق قورى بار. Pfizer بويىنشا دا تاپشىلىق جوق», - دەدٸ ەرجان بايتاناەۆ.
