Foto: Pixabay.com
Qazir elimizde osyndai múmkindik qarastylyp jatyr. Bul týraly Ishki ister ministrligi habarlady, dep habarlaidy Ult.kz QazAqparatqa silteme jasap.
"Ekinshi deńgeili bankter men uialy bailanys operatorlaryna olardyń infraqurylymyn paidalana otyryp jasalatyn alaiaqtyq is-qimyldar úshin zardap shekken azamattyń shyǵyndaryn óteý mindettemesi bar yntymaqty jaýapkershilik júkteý bastamasy qarastyryp jatyr", - delingen ministrliktiń agenttiginiń saýalyna bergen jaýabynda.
Aqparatqa sáikes, elimizde quqyq qorǵaý organdary, ekinshi deńgeili bankter jáne Qarjylyq monitoring agenttigi azamattar men qarjy júiesin alaiaqtardan qorǵaýǵa baǵyttalǵan keshendi is-sharalardy júzege asyryp jatyr.
Ishki ister ministrliginiń málimetinshe, mundai is-sharanyń biri – ekinshi deńgeili bankter júiesin quqyq qorǵaý organdarynyń derekter bazasymen qosýdy kózdeitin Derekter bazasyn yqpaldastyrý jobasy.
