FlyArystan elordadan Máskeýge qatynaityn áýe jolyn ashty, – dep habarlaidy kompaniianyń baspasóz qyzmeti.
«Alǵashqy otandyq loýkoster óziniń birinshi halyqaralyq reisi – Nur-Sultan-Máskeý-Nur-Sultan baǵyty boiynsha biletter satylymyn ashyq dep jariialaidy. Jaily saparlar Airbus A320 ushaqtarymen eki astanadan/ǵa 2019 jyldyń 13 jeltoqsanynan júzege asyryla bastaidy. Qazaqstannyń bas qalasynan oryndalatyn saparlar quny 19 999 teńgeden bastalady jáne de bul baǵa búgingi kúngi naryqtyq baǵadan 60% tómen. Reseidiń astanasynan saiahattaimyn deýshiler, biletterdi áýejai alymdarymen qosa eseptegende 3333 rýblden bastap satyp ala alady», - delingen habarlamada.
Uzaqtyǵy 3 saǵattyq kúndelikti reister N.Nazarbaev ailaǵynan Jýkovskii halyqaralyq áýejaiyna oryndalady. 180 oryndy lainerler elordadan saǵat 22:10 ushyp shyǵyp, Máskeýge sol kúni saǵat 22.40 qonatyn bolady. Keri qarai ushaq 23:25 sharyqtap, qazaqstandyq áýeailaqqa 05:35 keledi.
