FlyArystan ەلوردادان مەسكەۋگە قاتىنايتىن ەۋە جولىن اشتى, – دەپ حابارلايدى كومپانييانىڭ باسپاسٶز قىزمەتٸ.
«العاشقى وتاندىق لوۋكوستەر ٶزٸنٸڭ بٸرٸنشٸ حالىقارالىق رەيسٸ – نۇر-سۇلتان-مەسكەۋ-نۇر-سۇلتان باعىتى بويىنشا بيلەتتەر ساتىلىمىن اشىق دەپ جارييالايدى. جايلى ساپارلار Airbus A320 ۇشاقتارىمەن ەكٸ استانادان/عا 2019 جىلدىڭ 13 جەلتوقسانىنان جٷزەگە اسىرىلا باستايدى. قازاقستاننىڭ باس قالاسىنان ورىندالاتىن ساپارلار قۇنى 19 999 تەڭگەدەن باستالادى جەنە دە بۇل باعا بٷگٸنگٸ كٷنگٸ نارىقتىق باعادان 60% تٶمەن. رەسەيدٸڭ استاناسىنان ساياحاتتايمىن دەۋشٸلەر, بيلەتتەردٸ ەۋەجاي الىمدارىمەن قوسا ەسەپتەگەندە 3333 رۋبلدەن باستاپ ساتىپ الا الادى», - دەلٸنگەن حابارلامادا.
ۇزاقتىعى 3 ساعاتتىق كٷندەلٸكتٸ رەيستەر ن.نازارباەۆ ايلاعىنان جۋكوۆسكيي حالىقارالىق ەۋەجايىنا ورىندالادى. 180 ورىندى لاينەرلەر ەلوردادان ساعات 22:10 ۇشىپ شىعىپ, مەسكەۋگە سول كٷنٸ ساعات 22.40 قوناتىن بولادى. كەرٸ قاراي ۇشاق 23:25 شارىقتاپ, قازاقستاندىق ەۋەايلاققا 05:35 كەلەدٸ.
