Almaty oblysynyń Eńbekshiqazaq aýdanynda koronavirýstyq infektsiianyń taralý derekteriniń anyqtalýyna bailanysty aimaqta qoǵamdyq tártip pen azamattardyń qaýipsizdigin qamtamasyz etý sharalary kúsheitildi, - dep habarlaidy "Ult aqparat".
«Almaty oblysy bas sanitarlyq dárigeriniń aǵymdaǵy jyldyń 13 sáýirindegi №6 qaýlysynda politsiianyń naqty mindetteri aiqyndalǵan. Olardy iske asyrý maqsatynda indettiń odan ári taralýyn boldyrmaý jónindegi barlyq qajetti shuǵyl sharalar qabyldanýda. Atap aitqanda, aýdannyń barlyq kirý jáne shyǵý joldary buǵattalyp, adamdardyń aýyl arasyndaǵy qozǵalysy shekteldi. Qazirgi kezeńde 25 blokpost bar. Odan ózge, kirý jáne shyǵý joldaryna jeke quramnyń 50-ge jýyq qyzmetkeri jumyldyrylǵan 3 negizgi blokpost ornatylǵan. Barlyq jerlerdi muqiiat baqylaý jáne quqyqbuzýshylyqtarǵa shuǵyl áreket etý maqsatynda atty nariadtar uiymdastyryldy. Olar aýmaqty, úilerdi jáne ózge de obektilerdi jaiaý aralaýmen jáne halyqpen profilaktikalyq jumystardy belsendi túrde júrgizýmen ainalysady», - dedi aýdandyq politsiia basqarmasynyń bastyǵy politsiia polkovnigi Talǵat Seilhanov.
