QR Eńbek jáne halyqty áleýmettik qorǵaý ministrligi Memleket basshysynyń tapsyrmasy boiynsha Qazaqstan Respýblikasynyń zeinetaqy júiesin odan ári jańǵyrtýdyń 2030 jylǵa deiingi tujyrymdamasyna (budan ári – Tujyrymdama) ózgerister men tolyqtyrýlar engizý boiynsha jumys júrgizýde. Bul týraly atalmysh vedomostvonyń baspasóz qyzmeti habarlady.
Zeinetaqy júiesin odan ári jetildirý boiynsha usynystardy 2019 jyly Úkimet janynan qurylǵan jumys toby uzaq merzimdi aktýarly modelderdi qurý negizinde ázirledi.Bul jumystyń mańyzdy baǵyty eń tómengi kepildikter júiesin jetildirý bolyp tabylady.
Is júzindegi tujyrymdama aiasynda 2028 jyldan bastap bazalyq zeinetaqy tóleminen eń tómengi kepildendirilgen zeinetaqyǵa kóshý kózdelgenin atap ótken jón. Sondyqtan eń tómengi kepildi zeinetaqyny taǵaiyndaý tetigi, belgili bir tustaryn jetildire otyryp, bazalyq zeinetaqyny taǵaiyndaýdyń qoldanystaǵy ádistemesine negizdelgen.
Qazirgi ýaqytta kelesi jaittardy qamtyǵan raida, eń tómengi kepildi zeinetaqyny taǵaiyndaý tetigi qarastyrylýda:
– eń tómengi mólsherdi eń tómengi kúnkóris deńgeiiniń (budan ári - ETKD) 54%-nan 70%-na deiin ulǵaitý usynylady;
- qatysýdyń eń az ótilin 10 jyldan 5 jylǵa deiin azaitý;
- zeinetaqy mólsherin shekteýdi alyp tastaý (qazirgi ýaqytta eń joǵary shekteý 33 jyl jáne odan joǵary ótilde 1 ETKD quraidy).
Eń tómengi kepildendirilgen zeinetaqyǵa kóshý zeinetaqymen qamsyzdandyrý deńgeiin arttyrýǵa, barlyq azamattarǵa biryńǵai tásildi qamtamasyz etýge, eń tómengi kepildikter júiesin jetildirýge, eńbek qatynastaryn resmilendirýdi yntalandyrýǵa múmkindik beredi jáne halyqaralyq sarapshylardyń usynymdaryna sáikes keledi.
Jańǵyrtýdyń taǵy bir mańyzdy baǵyty, 2023 jyldan bastap, jumys berýshilerdiń 5% mindetti zeinetaqy jarnasyn (budan ári – JBMZJ) engizý bolyp tabylady.
Jumys berýshiler óz qarajaty esebinen óz jumyskerleriniń paidasyna jumyskerdiń tabysynan mindetti 5% zeinetaqy jarnasyn aýdaratyn bolady.
Memleket basshysy JBMZJ maqsatyn shartty-jinaqtaýshy quramdaýyshty qalyptastyrýdan azamattardyń jeke zeinetaqy jinaqtaryn tolyqtyrýǵa ózgertý, sondai-aq keiinnen olardy áleýmettik muqtajdyqqa paidalaný quqyǵyn bere otyryp, mindetti zeinetaqy jarnalary, mindetti kásiptik zeinetaqy jarnalary jáne JBMZJ esebinen qalyptastyrylǵan zeinetaqy jinaqtarynyń bir bóligimen tolyqtyrý (salymshynyń tańdaýy boiynsha) arqyly Biryńǵai jinaqtaýshy zeinetaqy qorynda jeke nysanaly shottardy engizý jónindegi tásilderdi maquldady.
Sondai-aq, QR Salyq kodeksiniń sheńberinde jumys berýshilerge júktemeni tómendetý úshin engiziletin JBMZJ shegerimge jatqyzý bóliginde jeńildikter berilgenin atap ótý qajet.
Mundai tásil halyqaralyq zeinetaqymen qamsyzdandyrý standarttaryna sáikes keletin zeinetkerlik jasqa jetken kezde (zeinetke shyqqannan keiin tabysty almastyrý koeffitsienti) salymshylardyń zeinetaqy jinaqtarynyń barabar deńgeiin saqtaýǵa, sondai-aq jaqyn keleshekte barlyq salymshylardyń zeinetaqy jinaqtaryn maqsatty paidalaný (turǵyn úi satyp alýǵa, emdelýge aqy tóleýge) quqyǵyn iske asyrýǵa múmkindik beredi.
Qazirgi ýaqytta «Qazaqstan Respýblikasynyń zeinetaqy júiesin odan ári jańǵyrtýdyń 2030 jylǵa deiingi tujyrymdamasy týraly» Qazaqstan Respýblikasy Prezidentiniń 2014 jylǵy 18 maýsymdaǵy № 841 Jarlyǵyna ózgerister men tolyqtyrýlar engizý týraly» Qazaqstan Respýblikasynyń Prezidenti Jarlyǵynyń jobasy týraly» QR Úkimeti qaýlysynyń jobasy múddeli memlekettik organdarmen kelisilýde.
