Memleket Basshysynyń Qazaqstan halqyna Joldaýynyń áleýmettik-eńbek salasyndaǵy negizgi baǵyttaryn jáne QR Áleýmettik kodeksi jobasynyń normalaryn halyqqa túsindirý maqsatynda óńirlerde Eńbek jáne halyqty áleýmettik qorǵaý ministrligi uiymdastyrǵan keń aýqymdy aqparattyq-túsindirý naýqany bastaldy, dep habarlaidy "Ult aqparat".
22 qyrkúiekte quramyna ministrlik ókilderi men enshiles uiymdardyń basshylary engen mobildi toptar Atyraý, Jambyl jáne Qostanai oblystarynda jumysyn bastady.
Óńirlerge kelgennen keiin mobildi toptardyń basshylary áleýmettik-eńbek salasyna jetekshilik etetin oblys ákimderiniń orynbasarlarymen kezdesýler ótkizedi. Osydan keiin mobildik toptar máslihattar depýtattarymen, halyqpen, jumys berýshilermen jáne eńbek ujymdarymen, bilim berý, densaýlyq saqtaý jáne áleýmettik qorǵaý uiymdarynyń qyzmetkerlerimen, jastarmen, ujymdarmen jáne meditsinalyq-áleýmettik mekemelerdegi qamqorlyqtaǵy adamdarmen kezdesýler ótetin aýdandarǵa barady.
Qazaqstandyqtarǵa Otbasynyń tsifrlyq kartasyn engizý, jumyspen qamtý salasyndaǵy jańa saiasat, jańa kóshi-qon saiasaty, balaly otbasylardy qoldaý sharalary, arnaýly áleýmettik qyzmetter júiesin jańǵyrtý, zeinetaqy tólemderin arttyrý týraly aitylady.
