Depýtat Eńbek jáne halyqty áleýmettik qorǵaý ministrligin eki vedomstvoǵa bólýdi usyndy, - dep habarlaidy Massaget.kz portaly.
"Eldiń turaqty áleýmettik-ekonomikalyq damýy men qazaqstandyqtardyń laiyq ómir súrý deńgeiin qamtamasyz etý úshin eńbek salasynyń strategiialyq mańyzdylyǵyn, sondai-aq Eńbek jáne halyqty áleýmettik qorǵaý ministrliginiń osy negizgi saladaǵy qatynastardy tiimdi basqarýǵa kópjyldyq qabiletsizdigin eskere otyryp, ministrlikti Eńbek ministrligi men áleýmettik damý ministrligine bólgen jón. Qurylǵan Eńbek ministrligine eńbek salasyndaǵy jańa ulttyq saiasatty ázirleý qajet", - dep málimdedi Májilis depýtaty Erlan Smailov.
Májilismenniń aitýynsha, qazaqstandyq qoǵam Eńbek jáne halyqty áleýmettik qorǵaý ministrliginiń problemalyq máselelerdi sheshýdegi belsendi ustanymyn kórmei otyr.
"Qazaqstandyq qoǵam Eńbek jáne halyqty áleýmettik qorǵaý ministrliginiń problemalyq máselelerdi sheshýdegi belsendi ustanymyn kórmei otyr. Ministrlik el azamattarynyń múddesi úshin Eńbek jáne áleýmettik salanyń turaqty damý ideologiiasyn áldeqashan joǵaltqan, biýdjettik jáne zańnamalyq múmkindikterdiń joqtyǵyna jalqaý jáne kezekshilikpen silteme jasaýǵa daǵdylanǵan. Psihologiiada bul úirengen dármensizdik sindromy dep atalady", - dedi Smailov.
