Prezident jarlyǵymen Eńbek jáne halyqty áleýmettik qorǵaý ministri qyzmetine Serik Jambyluly Shapkenov taǵaiyndaldy, dep habarlaidy "Ult aqparat".
Serik Jambyluly 1979 jyly 29 shildede Batys Qazaqstan oblysy Qaratóbe aýdany Qaratóbe aýylynda dúniege kelgen.
2000 jyly M. Ótemisov atyndaǵy Batys Qazaqstan memlekettik ýniversitetin joǵarǵy kásibi bilimdi ekonomist-matematik mamandyǵy boiynsha támamdaǵan.
2000 jyly Batys Qazaqstan memlekettik ýniversitetinde oqytýshy bolyp bastaǵan.
2001 jyldan - Batys Qazaqstan oblystyq qorshaǵan ortany qorǵaý qorynyń jetekshi mamany. 2002 jyldyń maýsymynan - Batys Qazaqstan Qarjy basqarmasynyń jetekshi mamany, 2003 jyldan - bas mamany. 2006 jyldyń qańtarynan - BQO Ekonomika jáne biýdjettik josparlaý departamenti shynaiy sektordy damytý bóliminiń bastyǵy.
2006 jyldyń naýryzynan - BQO Aýyl sharýashylyǵy departamenti ákimshilik bóliminiń bastyǵy. 2007 jyldyń qańtarynan - BQO Aýyl sharýashylyǵy departamenti direktorynyń orynbasary.
2007 jyldyń qazanynan - BQO Ekonomika jáne biýdjettik josparlaý departamenti bastyǵynyń orynbasary. 2009 jyldyń qyrkúieginen - Batys Qazaqstan oblysy Ekonomika jáne biýdjettik josparlaý basqarmasynyń bastyǵy.
2014 jyldan - QR Prezidenti ákimshiliginiń memlekettik baqylaý jáne uiymdastyrý-aýmaqtyq jumys bóliminiń memlekettik inspektory.
2016-2018 jyldary – Atyraý qalasynyń ákimi. Atyraý oblysy ákiminiń orynbasary (2018-2020).
2020 jyldyń maýsym aiynan beri Eńbek jáne halyqty áleýmettik qorǵaý vitse-ministri qyzmetin atqaryp kelgen.
«Nur Otan» partiiasynyń múshesi (2005 jyldan).
