Aqmádi Sarbasov QR Eńbek jáne halyqty áleýmettik qorǵaý birinshi vitse-ministri bolyp taǵaiyndaldy, dep habarlaidy primeminister.kz.
Aqmádi Sarbasov 1977 jyly Batys Qazaqstan oblysynda dúniege kelgen.
Ál-Farabi atyndaǵy Qazaq ulttyq ýniversitetin jáne Eýraziia gýmanitarlyq ýniversitetin támamdaǵan.
Eńbek jolyn 1994 jyly bastady. Túrli jyldary QR Ádilet ministrliginiń, QR Eńbek jáne halyqty áleýmettik qorǵaý ministrliginiń qurylymynda jumys istedi.
2017 jyldan 2019 jylǵy sáýir aiyna deiin — QR EHÁQM Eńbek, áleýmettik qorǵaý jáne kóshi-qon komitetiniń tóraǵasy — QR bas memlekettik eńbek inspektory.
2019 jylǵy sáýir aiynan qazirge deiin QR eńbek jáne áleýmettik qorǵaý vitse-ministri bolyp eńbek etti.
