Belgili ekonomist Oljas Tóleýov Eńbek jáne halyqty áleýmettik qorǵaý ministrliginiń janyndaǵy «Eńbek resýrstaryn damytý ortalyǵy» AQ vitse-prezidenti bolyp taǵaiyndaldy, dep habarlaidy "Ult aqparat".
Ol buryn AERC (Qoldanbaly ekonomikany zertteý ortalyǵynyń jeke mekemesi) basqarýshy direktory bolǵan.
Oljas Tóleýov 1990 jyly Qaraǵandy oblysynyń Shet aýdanynda dúniege kelgen.
Ál-Farabi atyndaǵy Qazaq ulttyq ýniversitetiniń ekonomika jáne biznes joǵary mektebin bitirgen. Sonymen qatar ol Qazaqstan Respýblikasy Ulttyq bankiniń magistri. Výsong ýniversitetiniń (Koreia Respýblikasy) Solbridge biznes mektebinde, Reseidiń Ortalyq bankinde, Chehiia men Shveitsariianyń Ulttyq bankterinde, sondai-aq BUU-nyń Aziia jáne Tynyq muhityna arnalǵan ekonomikalyq jáne áleýmettik komissiiasynda (ESCAP) taǵylymdamadan ótip, bilimin jetildirgen.
Eńbek jolyn 2012 jyly Qaraǵandy oblysynyń Balqash qalalyq kommýnaldyq sharýashylyǵynda bastaǵan. 2013 jyly AERC biznes taldaýshysy bolyp jumys istedi.
2015 jyldan 2018 jylǵa deiin ol Qazaqstan Respýblikasy Ulttyq Bankiniń Zertteý jáne statistika departamentinde is-tájiribeden ótýshi, jetekshi taldaýshy jáne bas taldaýshy laýazymdaryn atqardy. Ol Qazaqstannyń aqsha-nesie saiasatyna infliatsiiaǵa qarsy rejimdi engizýge belsendi qatysty.
2018 jyldan bastap 2020 jylǵa deiin - AERC direktorynyń orynbasary, basqarýshy direktor.
Ulttyq banktiń magistratýrasynda jáne Oqý ortalyǵynda, Nazarbaev Ýniversitetiniń magistratýrasynda jáne Lomonosov atyndaǵy MMÝ-niń qazaqstandyq filialynda sabaq berý tájiribesi bar.
On shaqty ǵylymi jáne pýblitsistik maqalanyń avtory.
2020 jyldyń aqpan aiynan bastap Qazaqstan Respýblikasynyń Prezident Ákimshiliginiń janyndaǵy Taldaý jáne áleýmettik-ekonomikalyq reformalardy monitoringteý ortalyǵynyń múshesi bolǵan.
