Foto: shutterstock.com
HR Enbek eńbek resýrstary portalynda jumys berýshi men kásipodaq uiymy arasynda elektrondyq ujymdyq shartty jasasý múmkindigi bar.
Eńbek jáne halyqty áleýmettik qorǵaý ministrliginiń málimetinshe, kásipodaq ókili portaldaǵy jeke kabinette ujymdyq shart jobasyn jasaidy jáne ony jumys berýshige kelisý úshin jiberedi.
Jumys berýshi EUSh jobasyn bekitken kezde ol eńbek zańnamasynyń saqtalýyn tekserý jiberiledi.
Memlekettik inspektor bekitkennen keiin qujatqa jumys berýshi qol qoia alady. Paidalanýshylarǵa yńǵaily bolý úshin júie EUSh-pen jumystyń barlyq kezeńderinde: jobaǵa qol qoiǵanda, ony qaita qaraýǵa jibergen kezde, memlekettik eńbek inspektory qujatty qabyldaǵannan nemese qabyldamaǵannan keiin avtomatty túrde jumys berýshige jáne kásipodaq uiymyna habarlamalar jiberedi.
"Qol qoiylǵan EUSh kásipodaq úshin de, jumys berýshi úshin de kórýge jáne júktep alýǵa qoljetimdi bolady. Onyń túpnusqalyǵyn elektrondy qujatta ornalastyrylǵan QR kody arqyly tekserýge múmkindik bar. Ujymdyq sharttardyń elektrondyq formatyn engizý eńbek qatynastarynyń zańdylyǵy men ashyqtyǵyn arttyrýǵa, jumys berýshiniń qabyldaǵan mindettemelerdiń oryndalýyna baqylaýdy qamtamasyz etýge, jumys oryndarynyń sapasyn baqylaýǵa yqpal etedi", – delingen habarlamada.
