QR Eńbek jáne halyqty áleýmettik qorǵaý ministrliginiń (budan ári – Eńbekmini) qyzmetkerleri qazaqstandyqtarǵa áleýmettik kómek taǵaiyndaý týraly usynyspen qońyraý shalmaidy.
Bul týraly QR Eńbek jáne halyqty áleýmettik qorǵaý ministrligi habarlady.
«Azamattardan qyraǵylyq tanytýdy jáne belgisiz adamdardyń qýlyqtaryna boi aldyrmaýdy suraimyz! Sońǵy ýaqytta qazaqstandyqtarǵa túrli bailanys operatorlarynyń uialy nómirlerinen qońyraýlar túsip jatyr. Belgisiz adamdar ózderin Eńbekmininiń qyzmetkerleri dep tanystyryp, banktik kartanyń qulpyn ashý úshin kreditterdi óteýdi suraidy nemese azamattardyń jeke derekterin suratady. QR Ebekmininiń qyzmetkerleri azamattarǵa qońyraý shalmaidy jáne jeke aqparat suramaidy. Azamattardan qyraǵylyq tanytýdy jáne belgisiz adamdardyń qýlyqtaryna boi aldyrmaýdy suraimyz!»,-delingen ministrliktiń habarlamasynda.
