QR Eńbek jáne halyqty áleýmettik qorǵaý ministrligi qarttardyń jaǵdaiyn jaqsartý jónindegi 2025 jylǵa deiingi «Belsendi uzaq ómir súrý» is-sharalar josparyn bekitti.
Qujat Qazaqstannyń 2030 jylǵa deiingi áleýmettik damý tujyrymdamasyn jáne «Nur Otan» partiiasynyń sailaýaldy baǵdarlamasyn iske asyrý sheńberinde ázirlendi. Onda áleýmettik saiasattyń basym baǵyttarynyń biri qarttardyń ómir súrý sapasyn jaqsartý bolyp tabylady, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Josparda 9 baǵyt boiynsha 36 is-shara qarastyrylǵan. Olardyń barlyǵy aǵa býynnyń ómir súrý sapasyn, ómir uzaqtyǵyn arttyrýǵa, áleýmettik jáne psihologiialyq jaǵdaiyn jetildirýge baǵyttalǵan.
Qujat qarttardyń quqyqtaryn saqtaý materialdyq jaǵdaiyn jetildirý jáne olardyń jumyspen qamtylýyn deńgeiin artyrý, qart adamdary bar otbasylardy qoldaý siiaqty máselelerdi qamtidy.
Mysaly, qarttardyń bos ýaqytyn uiymdastyrýǵa jaǵdai jasaý baǵytynda elimizdiń barlyq óńirlerinde belsendi ómir súrý ortalyqtaryn ashý, qart adamdar úshin mádeni-buqaralyq is-sharalar ótkizý, qarttar kúnin merekeleýge arnalǵan is-sharalar ótkizý jáne t. b. josparlanýda.
Ulttyq jospardy ázirleý kezinde Madridtiń qartaiý máseleleri jónindegi halyqaralyq is-qimyl josparynyń usynystary eskerildi. Onda qart adamdardyń tek áleýmettik qamtamasyz etilýine ǵana emes, sonymen qatar ziiatkerlik jáne óndiristik tájiribe iesi, qoǵam damýynyń belsendi qatysýshylary retinde suranysqa ie bolýyna baǵyttalǵan sharalar qarastyrylǵan.
Búgingi tańda Qazaqstan BUU anyqtaǵan 7 paiyzdyq shekti eńserip, halqy qartaiǵan elderge jatqyzyldy. Elimizdiń 8 aimaǵyna qartaiý protsesi tán.
Máselen, eldiń soltústik-shyǵysynda jáne Ortalyq Qazaqstannyń bir bóliginde jaǵdai Eýropa elderimen uqsas, iaǵni halyqtyń az tabiǵi ósimi jáne kóshi-qonnyń teris saldosy sebebinen jas adamdarmen salystyrǵanda egde adamdar sanynyń tez ósýine bailanysty halyqtyń qartaiýy oryn alady.
Respýblikanyń ońtústik jáne batys óńirlerinde, sondai-aq Nur-Cultan qalasynda bala týýdyń ósýi esebinen 15 jasqa deiingi halyq úlesiniń ulǵaiýy baiqalady, nátijesinde halyqtyń qartaiý kórsetkishi tómendeidi.
Is-sharalar josparymen enbek.gov.kz saitynda tanysýǵa bolady.
