QR Eńbek jáne halyqty áleýmettik qorǵaý ministri Serik Shápkenov jumyssyzdyq deńgeiine qatysty túsinik berdi, dep habarlaidy QazAqparat.
Ortalyq kommýnikatsiialar qyzmetindegi baspasóz qyzmetinde koronavirýs indetiniń taralýyna bailanysty jumyssyzdyq deńgeii týraly suraq qoiyldy.
«Tótenshe jaǵdai men karantin kezinde keibir óndiristerde jumys oryndaryn toqtatýǵa týraly keldi. Osyǵan bailanysty azamattar ózderiniń jumystaryn qoiyp, úilerinde otyratyn boldy. Bul turǵyda memleket tarapynan aýqymdy daǵdarysqa qarsy baǵdarlama qabyldanyp, tiisti jol kartasy iske asyryldy. Osynyń aiasynda byltyrdyń ózinde 239 myń jańa jumys orny quryldy. Onyń arasynda ýaqytsha ári turaqty jumys oryndary bar. Bul jumys oryndaryna tartý arqyly byltyr jumyssyzdyqty 4,9 paiyz deńgeiinde saqtaýǵa múmkin boldy. Eger osy sharalar der kezinde qabyldanbasa, jumyssyzdyq deńgeii joǵary bolýy yqtimal», - dedi Shápkenov.
Onyń aitýynsha, qazirgi kezde elimizde jumyssyzdyq 4,9 paiyz deńgeiinde qalyp otyr.
Sonymen qatar baspasóz máslihatynda jaz kezinde qansha adam jumysynan aiyrylýy múmkin degen suraq qoiyldy.
Óz kezeginde ministr aldaǵy jazǵy kezeńge jumyssyzdyq kóbeimeitinin, sebebi qazir ekonomika qalpyna kelip jatqanyn jáne eńbek naryǵyna ońtaily áser etip jatqanyn aitty.
«Jazǵy kezeńde jumyspen qamtylý deńgeii artady. Bul rette aýyl sharýashylyǵy, qurylys sekildi jazda jandanatyn dástúrli salalar bar. Sondyqtan bizdiń ministrliń jazǵy kezeńde jumystan bosatý úrdirisin boljap otyrǵan joq», - dedi Shápkenov.
