2017 jyldyń qorytyndysy boiynsha eńbek naryǵynyń kórsetkishteri tolyǵymen jaqsartyldy. Elimizdegi jumysshynyń ortasha ailyq jalaqysy 147 myń 988 teńge boldy. Bul týraly Eńbek jáne halyqty áleýmettik qorǵaý ministri Mádina Ábilqasymova málim etti, dep habarlaidy Baq.kz tilshisi.
Aldymen ministr Eńbekti qorǵaý ministrliginiń 2017 jylǵy jumys qorytyndysy men Elbasynyń «Tórtinshi ónárkásiptik revoliýtsiia jaǵdaiyndaǵy damýdyń jańa múmkindikteri» atty Joldaýyn iske asyrý aiasynda negizgi mindetteri týraly baiandady.
«Memleket basshysy «Tórtinshi ónárkásiptik revoliýtsiia jaǵdaiyndaǵy damýdyń jańa múmkindikteri» atty Joldaýynda adami kapitaldy damytýda sapaly jumyspen qamtý jáne ádil áleýmettik qamsyzdandyrý júiesin qamtamasyz etý erekshe mańyzdy ekenin atap ótti. Osy oraida tiimdi eńbek naryǵyn qamtasyz etý, azamattardy jumyspen qamtý sharalary júieli túrde júrgizilýde. Bilikti jumys kúshi úshin ashyq eńbek naryǵy qalyptastyryldy. Zeinetaqy men áleýmettik qamsyzdandyrýdyń kóp deńgeili júiesi quryldy», - dedi Mádina Ábilqasymova Eńbek jáne halyqty áleýmettik qorǵaý ministrliginiń keńeitilgen alqa májilisinde.
Onyń aitýynsha, atalǵan saladaǵy oń nátijeler júieli júrgizilgen jumystardyń nátijesi.
«2017 jyldyń qorytyndysy boiynsha eńbek naryǵynyń kórsetkishteri tolyǵymen jaqsardy. Jumyssyzdardyń sany sońǵy 10 jyl ishinde 180 myńǵa azaidy. Jumyssyzdyq deńgeiiniń turaqty túrde tómendep kele jatqanyn baiqalady. Búgingi tańda bul kórsetkish 4,9 paiyzdy quraidy. Áielder men jastar arasyndaǵy jumyssyzdyq deńgeii 5,4 jáne 4,2 paiyzdy qurap otyr», - dedi ministr.
Osy oraida Mádina Ábilqasymova elimizdegi jumysshy kúshiniń ortasha ailyq tabysyna toqtaldy.
«Elimizdegi jumys kúshiniń sany 8 mln 980 myń adamdy quraidy. Jaldamaly jumyskerlerdiń sany 1,8 paiyzǵa ósse, ózin-ózin jumyspen qamtyǵan azamattardyń sany 4,5 paiyzǵa azaidy. Al 1 jumysshynyń ortasha ailyq jalaqysy 147 myń 988 teńgege deiin nemese 3,6 paiyzǵa ósken. 2017 jyldyń 11 aiyndaǵy baǵalaý boiynsha turǵyndardyń jan basyna shaqqandaǵy nominaldyq tabysy 6 paiyzǵa ósip, 79 myń 727 teńgeni qurady», - dep túiindedi sózin ministr.
Sóz sońynda vedomstvo basshysy 2017 jyly memleket halyq aldyndaǵy áleýmettik mindetti tólemderdiń barlyǵyn oryndaǵanyn atap ótti. Osy maqsatqa respýblikalyq biýdjetten 2,1 trln teńge bólingen.
