Eńbek jáne halyqty áleýmettik qorǵaý ministri Tamara Dúisenova qyzmetkerlerge 4 kúndik jumys aptasyna kóshý kezinde qandai talap qoiylatyny týraly aityp berdi, dep habarlaidy Ulysmedia.kz.
Ministrdiń aitýynsha, Qazaqstanda búgingi tańda 4 kúndik jumys aptasyna kóshý tájiribesin qoldanýǵa bolady.
Búgingi tańda bul tájiribe bizde bar. Pandemiia kezinde jumys berýshiler qyzmetkerlerin jumys ereksheligine bailanysty 4 kún, 5 kún, 6 kún jumys istetip kórdi. Eń bastysy, jalaqy esepteletin saǵattyń normativin joǵaltpaýymyz kerek. Sondyqtan biz arnaiy ikemdi jumys rejimin kórsettik, buǵan tyiym salynbaidy. Eńbekaqy normativin qamtamasyz etýge bolady jáne etý de kerek, iaǵni eń tómengi jalaqydan tómen bolmaýy qajet, — dedi Dúisenova.
Eńbek jáne halyqty áleýmettik qorǵaý ministrligi áleýmettik qorǵaý máseleleri boiynsha birqatar zańnamalyq aktilerge tolyqtyrý engizýdi kózdep otyr. 2023 jyldan bastap 4 kúndik jumys aptasyna kóshýge bolady.
Zańnamany ázirleýshilerdiń pikirinshe, bundai rejimdegi jumysqa bir aptada 4 kúndik, ekinshi aptada 5 kúndik jumys júktemesimen kóshýge bolady. Bul tájiribe keńse qyzmetkerlerine qoldanylyp jatyr jáne eńbek salasyndaǵy halyqaralyq standarttarǵa sáikes keledi.
