Aǵymdaǵy jyldyń 11 aiynda 621,4 myń adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy. Ol arqyly 413,7 myń adam jumysqa ornalastyrylsa, onyń ishinde 269,2 myń adam turaqty jumysqa turdy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
206,5 myń adam sýbsidiialanatyn jumys oryndarymen qamtyldy, onyń ishinde 19,1 myń adam áleýmettik jumys oryndaryna, 34,1 myń adam jastar praktikasyna, 153,3 myń adam qoǵamdyq jumystarǵa ornalastyryldy.
Eńbek resýrstarynyń utqyrlyǵyn arttyrý maqsatynda aǵymdaǵy jylǵy 1 jeltoqsandaǵy jaǵdai boiynsha jumys kúshi mol óńirlerden 5 665 adam, iaǵni 1 610 otbasy qonys aýdardy.
2020 jylǵy 1 jeltoqsandaǵy jaǵdai boiynsha qysqa merzimdi oqytý kýrstaryna 18,7 myń adam jiberildi, TjKB boiynsha oqytýmen 18,4 myń adam qamtyldy.
Memlekettik baǵdarlama aiasynda jyl basynan beri jappai kásipkerlikti damytýǵa 12 647 mikrokredit berildi, onyń ishinde aýyl turǵyndaryna 11 162 mikrokredit berildi. Mikrokredit alýshylar 13 585 jumys ornyn ashty.
Sondai-aq, baǵdarlamaǵa qatysýshylarǵa jańa biznes-ideialardy júzege asyrý úshin 200 AEK mólsherinde 43 myńnan astam memlekettik grant beriledi. Aǵymdaǵy jylǵy 1 jeltoqsanda 42,4 myńnan asa grant bólinip úlgerdi.
Budan basqa, 33,2 myń adam «Bastaý Biznes» jobasy boiynsha kásipkerlik negizderine oqytýdan ótti.
