Aǵymdaǵy jylǵy 1 sáýirdegi jaǵdai boiynsha Nátijeli jumyspen qamtýdy jáne jappai kásipkerlikti damytýdyń «Eńbek» memlekettik baǵdarlamasy (budan ári – «Eńbek» memlekettik baǵdarlamasy) aiasynda múgedektigi bar 5,4 myń adam jumysqa ornalastyryldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Onyń ishinde 1,1 myńnan astamy turaqty jumys ornymen qamtylsa, al 4,3 myńy – áleýmettik jumys oryndaryna, jastar tájiribesine jáne qoǵamdyq jumysqa tartyldy.
Budan basqa, 2021 jyly, múgedektigi bar adamdardy jumysqa ornalastyrý úshin jumys berýshilerdiń olardy jaraqtandyrý shyǵyndaryn sýbsidiialaý arqyly 113 arnaiy jumys orny qurylady. Bul jumys oryndary halyqaralyq tájiribe negizinde qurylady jáne kórý, estý, tirek-qimyl júiesi buzylǵan adamdardyń jumys isteýi úshin jaǵdaidy qamtamasyz etýdi kózdeidi. 2018 jyldan bastap 350-ge jýyq tiisti jumys orny ashyldy. Biyl atalǵan baǵytqa 251,8 mln teńge bólindi.
Esterińizge salsaq, 2020 jyly, 25,5 myńnan astam múgedektigi bar adamǵa jumyspen qamtýdy qoldaýdyń túrli sharalary kórsetildi. Onyń ishinde 1,5 myńǵa jýyq adam shaǵyn nesie men grant alyp, 15,4 myńy «Eńbek» memlekettik baǵdarlamasy aiasynda jumysqa ornalastyryldy. Jumyspen qamtýdyń jol kartasy arqyly 2,2 myń azamat jumysqa turdy. Múgedektigi bar adamdarǵa arnalǵan jumys oryndaryn kvotalaý qaǵidasy sheńberinde, byltyr, jumys berýshiler 6,4 myń adamdy jumysqa qabyldady.
