Erbol Nurǵaliev QR Eńbek jáne halyqty áleýmettik qorǵaý ministrligi, Eńbek, áleýmettik qorǵaý jáne kóshi-qon komitetiniń tóraǵasy bolyp taǵaiyndaldy, dep habarlaidy QR Úkimetiniń baspasóz qyzmeti.
Qazaqstan Respýblikasy eńbek jáne halyqty áleýmettik qorǵaý ministriniń buiryǵymen Erbol Joldaspekuly Nurǵaliev QR EHÁQM Eńbek, áleýmettik qorǵaý jáne kóshi-qon komitetiniń tóraǵasy qyzmetine taǵaiyndaldy.
Erbol Nurǵaliev 1975 jyly 10 aqpanda Shyǵys Qazaqstan oblysy Jarma aýdany Mihailovka aýylynda dúniege kelgen. 2000 jyly Shákárim atyndaǵy Semei memlekettik ýniversitetin, 2010 jyly Qazaq innovatsiialyq gýmanitarlyq-zańgerlik ýniversitetin, 2018 jyly Q. Jubanov atyndaǵy Aqtóbe óńirlik memlekettik ýniversitetin bitirgen.
Eńbek jolyn 1994 jyly Semei oblysynyń Jarma aýdanynda Chapaev atyndaǵy orta mektepte muǵalim bolyp bastady.
2002 jyly ShQO Jarma aýdany ákimi apparatynyń ishki saiasat jáne áleýmettik sala bóliminiń meńgerýshisi laýazymynda boldy.
2011 jylǵy sáýirde Shyǵys Qazaqstan oblysy Ishki saiasat basqarmasynyń bastyǵy bolyp taǵaiyndaldy.
2015 jyly jeltoqsanda Aqtóbe oblysy Ishki saiasat basqarmasynyń bastyǵy bolyp eńbek etti. 2017 jyly Aqtóbe oblysy ákiminiń orynbasary qyzmetine taǵaiyndaldy.
2018 jyldyń qarasha aiynan qazirge deiin QR Prezidenti Ákimshiliginiń Ishki saiasat bóliminiń sektor meńgerýshisi qyzmetin atqardy.
