QR Prezidenti Qasym-Jomart Toqaev qazaqstandyqtarǵa arnaǵan «Ádiletti memleket. Birtutas ult. Berekeli qoǵam» atty Joldaýynda «Elimizde eńbekqor adam, kásibi maman eń syily adam bolýǵa tiis. Osyndai azamattar memleketimizdi damytady. Biz qarapaiym eńbek adamyna qurmet kórsetýimiz kerek. Qandai kásippen ainalyssań da, ony sapaly atqarý mańyzdy. Óz salasynyń sheberine árdaiym suranys bolady. Ideologiia jumysynda osyǵan basa mán bergen jón!» degen bolatyn.
Maqtaaral aýdany ákiminiń apparatynda jumysqa eń birinshi keletin bir adam bar. Ol aýdan ákimi apparatynyń aqparattandyrý jáne memlekettik qyzmet kórsetý monitoringi bóliminiń aqparattyq tehnologiialar operatory – Erǵali Kóshkimbekov.
Erǵali Nurhanulyn aýdan ákimi apparaty men oblys ákimi apparatynyń arasyndaǵy «altyn kópir» deýge bolady. Onyń jumysy – oblysta ótetin jiyndarǵa aýdannyń basshylary men mamandarynyń onlain qatysýy úshin beinebailanys konferentsiialaryn uiymdastyryp, oǵan tehnikalyq qoldaý kórsetý.
Tańǵy 9:00-de bolatyn jinalysqa VKS júiesi tolyq daiyn bolýy úshin saǵat 8.00-8.30-darda jumysqa kelip, tehnikalyq tekserýler júrgizedi. Keide májilisterdiń mańyzdylyǵyna qarai demalys kúnderi nemese jumystan tys ýaqytta da VKS júiesin qosý kerek bolady. Osyndaida Erǵali Nurhanuly jumysynyń mańyzdylyǵyn jete túsinip, árdaiym oǵan úlken jaýapkershilikpen qaraidy. Sol úshin Erekeńdi aýdan ákimi apparatynyń ujymy erekshe syilaidy, jumysqa eń birinshi keletin adam retinde biledi.
Ol 2009 jyly Maqtaaral aýdany, Birlik aýyldyq okrýgi ákimi apparatynda operator bolyp qyzmetin bastap, 2020 jyldan beri Maqtaaral aýdany ákimi apparaty aqparattandyrý jáne memlekettik qyzmet kórsetý monitoringi bóliminde aqparattyq tehnologiialar operatory bolyp eńbek etip keledi.
Erǵali Kóshkimbekovti áriptesteri óz isine berilgen, jaýapkershiligi joǵary kásibi maman retinde tanidy. Máselen, joǵaryda atalǵan bólimniń bas inspektory Bekzat Zeiilbekov Erekeńniń biiazy, sypaiy, áriptesterimen til tabysa alatyn minezi týraly jii aitady. Odan Oljas Serikbaev, Nurǵisa Kúntýǵan, Birjan Bekturǵan siiaqty áriptes inileri úlgi alýdan jalyqqan emes.
D.AIaZBEKOV,
Maqtaaral aýdany
