Foto: Gov.kz
Biyl Qazaqstan politsiiasynyń qurylǵanyna 32 jyl tolyp tur. Osy rette Jetisai qalasyndaǵy «M.Gorkii» atyndaǵy №1 mektep-gimnaziiasynda el táýelsizdiginiń alǵashqy jyldarynda beibit turǵyndardyń tynyshtyǵyn kúzetýde eren eńbek etip, Ishki Ister organdarynda qyzmet atqarý kezinde qaza tapqan politsiia polkovnigi Serikbaev Ábdiǵappar Berdiqululynyń esimine berilgen «Politsiia synyby» ashyldy, dep habarlaidy «Ult aqparat».
Synyptyń ashylý saltanatyna Jetisai aýdanynyń ákimi Serik Mamytov pen Túrkistan oblysy politsiia depertamenti tárbie jáne kadr jumysy basqarmasynyń bastyǵy, politsiia polkovnigi Maqsat Asqarov, aýdandyq bilim bóliminiń basshysynyń mindetin ýaqytsha atqarýshy Adaibekov Shohan Joldasbekuly men oblystyq IIO jáne UU ardagerler keńesiniń tóraǵasy Janádil Qumarbekov, aýdandyq politsiia bóliminiń bastyǵy politsiia polkovnigi Saparbekov Adilbek Ábdiraimuly men aýdandyq máslihat apparatynyń basshysy Saken Dosymov, aýdandyq ardagerler keńesiniń tóraǵasy Aitbai Mahanbet, Ábdiǵappar Serikbaevtyń otbasy men aǵaiyn-týystary qatysty.
«Otandy súiý – óz eline adal berilgendik. Oǵan qaltqysyz qyzmet etý – onyń múddeleri men qaýipsizdigin qorǵaý. Otandy qorǵaý isine ardagerlerimizdiń úlgisimen árqashan daiyn bolyp, namys týyn joǵary ustaý barshamyzdyń mindetimiz. Tek qana ońtústik óńirine ǵana emes kúlli respýblikaǵa, qala berdi alys-jaqyn shet elderge QAPASh esimimen tanylǵan Ábdiǵappar Berdiqululynyń esimimen atalatyn synypta bilim alatyn oqýshylardyń da naǵyz eljandy, isker, jańashyl bolyp qalyptasatynyna kúmánim joq» degen aýdan basshysy jas politseilerge kýálik tapsyrdy.
Osy sátti paidalana otyryp, jas tártip saqshylaryn mektep bitirgen soń IIM joǵary oqý oryndaryna túsip, Qazaqstannyń gúldenýi, Otanyn súiý, árbir adamnyń birligi men senimin baǵalaý jolynda ishki ister organdarynda qyzmet etýdi jalǵastyrýǵa shaqyramyn, – dedi politsiia polkovnigi Erlan Shamshat. Politsiia synybynyń ashylý saltanatynda mekteptiń 11-synyp oqýshylarynan 18 oqýshy ant berip «jas saqshy» qataryna qosyldy. Sondai-aq Jetisai aýdandyq politsiia bóliminiń uiymdastyrýymen №1 M.Gorkii atyndaǵy mektep gimnaziiasynda Otan úshin qyzmet etip, IIO-da qyzmet atqarý kezinde qaza tapqan politsiia polkovnigi Ábdiǵappar Berdiqululy Serikbaevtyń atyna politsiia synyby ashyldy.
Synyptyń ashylý rásimine aýdan ákimi Serik Mamytov Túrkistan oblystyq politsiia departamenti tárbie jáne kadr jumysy basqarmasynyń orynbasary Erlan Sháshat, Ábdiǵappar Serikbaevtiń jubaiy Ainash Satieva, uly Sultan Ábdiǵapparuly arnaiy qatysty.
Synyptyń ashylý saltanatynda Jetisai aýdandyq politsiia bóliminiń bastyǵy politsiia polkovnigi Saparbekov Ádilbek Abdraiymuly sóz sóilep óskeleń urpaqqa politsiia mamandyǵynyń qoǵamda alatyn róli jaily aita kelip, marqum bolǵan Ábdiǵappar Serikbaev týraly jyly estelikterin aitty. Atalmysh synypty ashýdaǵy maqsat — jas jetkinshekter arasynda Qazaqstan politsiiasynyń imidjin kóterý, erjúrektilikti dáripteý, Otanǵa degen súiispenshilik pen patriottyq rýhta oqýshylardy tárbieleý.
