Foto: Keiipkerdiń arhivinen
Memleket basshysy Qasym-Jomart Toqaev elimizdegi bilim salasynyń mamandaryna qatysty jiynda ustazdarǵa qatysty óz oiyn bylai sabaqtaǵan edi: «Ǵalymdar 2050 jylǵa qarai qazirgi kásipterdiń jartysyna jýyǵyn tsifrlyq jáne tehnikalyq júieler almastyrady degen boljam aitýda. Sondyqtan azamattarymyz jańa zamanǵa qajetti daǵdylardy úirenýi kerek. Bul – óte mańyzdy mindet. Buryn «alǵan diplomyń ómir boiy azyq bolady» degen túsinik bar edi. Endi onyń ornyn «Ómir boiy oqy jáne úiren» degen qaǵida basýy kerek. Qazir jumys berýshiler úshin eń bastysy diplom nemese sertifikat emes. Olar izdene biletin, jańa talapqa ikemdele alatyn, tártipti jáne uqypty jas mamandardy baǵalaidy. Iaǵni, qyzmetkerdiń qolyndaǵy qaǵazǵa emes, qarym-qabiletine mán beredi.
Sondyqtan ár azamat úzdiksiz oqýy kerek. «Mektebi bar aýylda tirshilik bar» dep beker aitylmaǵan. Mektep birneshe áleýmettik nysannyń rólin atqarady. Onda qoǵamdyq jiyndar, mádeni is-sharalar, sport saiystary ótedi. Aýyl mektebi jergilikti jurtty ortaq iske jumyldyrady. Osy oraida kásipkerler qaýymyna da zor mindet júkteledi. Qazir memleket pen biznestiń seriktestigi arqyly aýyl mektebin jańǵyrtý jumystary qolǵa alyndy. Osy tásilmen úsh jyldyń ishinde kem degende bir myń aýyl mektebin kerek-jaraqpen tolyq jabdyqtaý, jyldamdyǵy joǵary internetpen qamtamasyz etý – Tsifrlyq damý ministrligine de, oblys ákimderine de júkteletin jaýapkershilik. Alty aidan keiin berilgen tapsyrmanyń oryndalýyn tekseremin. Jalpy, bilim berý júiesin múlde jańa deńgeige shyǵarý úshin aýqymdy tsifrlyq transformatsiialaý jumystaryn júrgizýimiz kerek. Eń aldymen, 2027 jylǵa deiin internet jelisi áli tartylmaǵan mektepterdiń bárin jyldamdyǵy joǵary internetke qosý qajet» .
Sonymen qatar, prezidenttiń aitýynsha, oqýshylarǵa ozyq bilimmen qatar ónegeli tárbie berý kerek. Memlekettiń tiregi – adal azamattar. Elimizde osy qaǵidaǵa negizdelgen jańa qoǵamdyq etika ornyǵýǵa tiis. Mektep izgilik qaǵidalaryn, adamzatqa ortaq qundylyqtardy balalardyń boiyna sińiretin ortalyqqa ainalýy kerek. búginde pedagogika salasy ǵylymnyń eń mańyzdy tarmaǵynyń birine ainaldy. Sondyqtan bul salaǵa túbegeili jańa kózqaras qajet. Osy rette Prezident bilim berý salasyna qatysty birqatar mańyzdy máselege toqtalǵan bolatyn. Atap aitqanda, ustazdardyń biliktiligin arttyrý kerektigin jáne pedagogterdiń búginde tek pándi ǵana úiretip qoimaitynyn, sondai-aq balalardyń áleýmettik daǵdylary men emotsiialyq intellektisin damytýǵa yqpal etetinin aitty. Osynaý joǵary atqa laiyq bolý úshin muǵalimder árdaiym kásibi turǵydan damyp, ózgeristerge daiyn bolýǵa tiis.
– Pedagog – ulttyń jańa sapasyn qalyptastyrý úderisindegi eń mańyzdy býyn. Sondyqtan bilim berý júiesin joǵary bilikti mamandarmen tolyq qamtamasyz etý óte mańyzdy. Alaida qazir mektepterimizde mamandar tapshy. Búginde elimizde 5 myń pedagog jetpispeidi. Bul kórsetkish jyldan-jylǵa artyp keledi. Al pedagogika salasynda oqyǵan árbir besinshi túlek óz mamandyǵy boiynsha jumys istemeidi. Buǵan qosa muǵalimderdiń 23 paiyzynda ǵana joǵary biliktilik sanaty bar. Munyń bári pedagogterdi daiarlaý jáne olardyń biliktiligin arttyrý tásilderin túbegeili ózgertýdi qajet etedi. Joǵary oqý oryndaryndaǵy pedagogikalyq mamandyqtarǵa qatysty baǵdarlamalardyń basym bóligi zaman talabyn eskermeitin burynǵy ádistemelerge negizdelgen.
Zamanaýi tásilder men tehnologiiany engize otyryp, oqý baǵdarlamalaryn qaita qaraý, jańǵyrtý qajet, dedi. Osy rette bizdi dál osy bilim salasynyń bel ortasynda júrgen mamandy suhbatqa tartqan edik. Keiipkerimiz Abdalimova Marhipa Sattarqyzy Q.A Iasaýi atyndaǵy jalpy bilim beretin mektepte qazaq tili men ádebieti pániniń muǵalimi. 1983 jyly Túrkistan oblysy, Eski Iqan aýylynda týǵan. Q.A. Iasaýi atyndaǵy jalpy orta mekteptebinde bilim alǵan. Odan keiin Q.A Iasaýi atyndaǵy HQTÝ filologiia fakýltetinde qazaq tili men ádebieti páni muǵalimine oqyǵan. Ýniversitetti 2000-2005 jyldar aralyǵynda bitirgen. 2005 jyly Q.A.Iasaýi mektebine muǵalim bolyp qyzmetke turǵan. Búgingi tańda magistrant. Enbek ótili 18 jyl.
Ustaz bolý-basty armany bolǵan, balalarmen jumys isteý, olardyń suraqtaryna jaýap izdeý bul keiipkerimizge baqyt syilaidy. Sondyqtan esh oilanbai osy salany tańdaǵan. Basqa mamandyqta jumys isteý múldem
oiyna kelmegen. Marhipa Sattarqyzynyń óz salasynda jetistigi de aza emes.
Jetistikteri oblystyq synyp jetekshiler baiqaýynda 2-oryndy ielengen (2016)
2018 jypary Eń úzdik muǵalim atty baiqaýǵa qatysyp, 2-oryn iegeri atanǵan
2019 jyly Muqaǵali taný taqyrybynda avtorlyq baǵdarlamasy respýblikalyq deńgeide tarqatyldy.
2020 jyly Eń bilimdi pedagog baiqaýyna qatysyp bas júldeni jeńip alyp, tósbelgimen marapattalǵan
Shákirtteri aýdandyq, oblystyq jáne respýblikalyq baiqaýlarǵa turaqty túrde katysady.
2022-2023 jyly Rashidova Ýmida, Iýldasheva Rýhshona,
Amirdinova Shodiiona atty shákirtteri aýdndyq baiqaýdan, oblystyq baiqaýǵa joldama alyp, júldeli oryndarmen oralǵan. UBT da qazaq tili men ádebieti pánin tańdaǵan shákirtterin ózi testke daiyndaidy 90% oqýshysy grantka týsedi. Keiipkerimiz memleket basshysy Qasym-Jomart Toqaevtyń bilim salasyna qatysty bastamalary men qoldaýlaryn erekshe atap ótti.
Marhipa Sattarqyzy: – Ahmet Baitursynuly «Biz eldi túzeýdi bala oqytý isin túzeýden bastaýymyz kerek» degen. Ult ustazynyń bul sózi qashanda oryndy. Bilim men ǵylym – tabysqa jetýdiń eń basty kilti. Óskeleń urpaqqa taǵylymdy tárbie jáne ozyq bilim berý – óte mańyzdy mindet. Sondyqtan ustazdar qaýymyna, iaǵni bizge zor jaýapkershilik júktelgen. Prezidentimiz muǵalimderdiń áleýmettik jaǵdaiyn jaqsartýǵa jáne bedelin arttyrýǵa memleket tarapynan erekshe kóńil bólip jatyr. Ol kisi óz sózinde: Meniń bastamammen 2019 jyly «Pedagog mártebesi týraly» jeke Zań qabyldandy.
Sońǵy tórt jylda ustazdardyń jalaqysy 2 ese ósti. Jaqynda balabaqsha tárbieshileriniń ailyǵy 30 paiyzǵa kóbeidi. Ustazdardyń eńbek demalysy uzartyldy. Muǵalimniń mindetine kirmeitin artyq jumystyń bári alynyp tastaldy. Ustazdardyń kásibi biliktiligin arttyrý máselesine basa mán berilip jatyr. «Bolashaq» baǵdarlamasymen úsh jylda 220-ǵa jýyq pedagog shetelde oqyp keldi. Muǵalim mamandyǵyn tańdaǵan jastarǵa qoiylatyn talap kúsheidi. Osy saladaǵy stýdentterdiń stipendiiasy 2,5 ese kóbeidi. Bir sózben aitqanda, biz, eń aldymen, bilikti ustaz daiarlaý isine airyqsha mán berip otyrmyz, degen. Qoryta kelgende elimizde ustazdarǵa barynsha qoldaý kórsetilip jatyr. Bizdiń maqsat ultqa aianbai adal qyzmet etetin, bilimdi ári tárbieli urpaq tárbieleý.
Derekkóz: oninfo.kz
