Búgin «Nur Otan» partiiasy men Qazaqstan Respýblikasynyń Kásipodaqtar federatsiiasy arasyndaǵy ózara yntymaqtastyq týraly memorandýmǵa qol qoiyldy. Atalǵan qujatqa qol qoiýdaǵy basty maqsat – elimizdi áleýmettik-ekonomikalyq jańǵyrtýǵa, qyzmetkerlerdiń áleýmettik-ekonomikalyq jáne eńbek quqyqtary men múddelerin qorǵaý júiesin damytýǵa baǵyttalǵan birlesken is-qimyldardy júzege asyrý. Taraptar osy baǵyttaǵy júieli ózara is-qimyl men syndarly yntymaqtastyqty qamtamasyz etý úshin ekijaqty kelisimge keldi.
Jiynda «Nur Otan» partiiasy Tóraǵasynyń Birinshi orynbasary Baýyrjan Baibek eki uiymnyń áleýmet qamyn jep, jurtshylyq múddesin kózdeýde maqsattarynyń toǵysatyn tustary kóp ekenin alǵa tartty.
«Memleket basshysy Qasym-Jomart Toqaev byltyr tuńǵysh ret kásibi mereke retinde engizilgen Kásipodaqtar kúninde «Qazirgi kásipodaqtardyń qozǵalystary eńbekkerlerdiń jumys ornyndaǵy quqyqtary men eńbek qaýipsizdiginiń saqtalýyn, laiyqty eńbekaqy men áleýmettik kepildikter alýyn qamtamasyz etedi», - dep atap ótken bolatyn. Osy rette, «Nur Otan» partiiasy árqashan qazaqstandyqtardyń eńbek quqyqtaryn qorǵaýǵa erekshe kóńil bólýde. 2019 jyldyń qorytyndysy boiynsha partiiaǵa 217 myńnan asa aryz-shaǵym túsken, onyń 3 myńnan astamy eńbek zańnamasy, jalaqynyń ýaqtyly tólenbeýi, zańsyz jumystan shyǵarý máselelerine qatysty. Iaǵni, qyzmetkerlerdiń eńbek quqyqtary boiynsha máseleler bizdiń el úshin óte ózekti.
Elbasy - «Nur Otan» partiiasynyń Tóraǵasy Nursultan Nazarbaev «partiia qarapaiym adamdardyń muǵalimderdiń, dárigerlerdiń, ónerkásiptik kásiporyn eńbekkerleriniń múddelerin qorǵaýy qajet» dep atap ótken bolatyn. Osy baǵytta zańnyń ústemdigin, jumysshylardyń quqyqtary men bostandyqtaryn qamtamasyz etý boiynsha jumystardy jalǵastyrý úshin «Nur Otan» partiiasy elimizdiń eń iri kásipodaqtar uiymy - Kásipodaqtar federatsiiasymen ózara yntymaqtastyqty odan ári damytýǵa kelisti» - dedi partiia Tóraǵasynyń Birinshi orynbasary.
Búginde elimizde jumys isteitin adamdar sany 9 millionnan assa, olardyń 2 milliony Qazaqstan Kásipodaqtary Federatsiiasynyń qatarynda. Al 600 myńnan astamy «Nur Otan» partiiasynyń músheleri. Sondyqtan jumys isteitin azamattardyń ózekti máselelerin sheshý, olardyń quqyqtary men múddelerin qorǵaý – partiia men kásipodaqtar qyzmetindegi basym baǵyttardyń biri.
Óz kezeginde Qazaqstan Kásipodaqtar federatsiiasynyń tóraǵasy Eraly Toǵjanov ekijaqty memorandýmǵa qol qoiýǵa kelisim bergen partiia basshylyǵyna alǵysyn bildirdi.
«Nur Otan» – naqty isterdiń partiiasy. Halyqtyń janashyry, áleýmettiń jarshysy bolyp otyrǵan eń iri, bedeldi partiiamen osyndai qujatqa qol qoiýǵa kelip otyrmyz. Ózderińiz bilesizder, 2012 jyldyń ózinde
Elbasy Nursultan Nazarbaev eńbek adamyna bailanysty úlken máselelerdi kótergen bolatyn. Sol suraqtardyń barlyǵy búgin de kún tártibinde tur. Sondyqtan eńbek adamynyń mártebesin, bedelin kóterýge tiistimiz. Partiiamen kóptegen suraqtarymyz ortaq. Pedagog mártebesine bailanysty kóptegen suraq talqylandy. Biz engizgen usynystardyń naqty 14-i qabyldandy. Sol suraqtardyń ishinde qanshama sheshimin tapqan máseleler osy jerde «Nur Otan» partiiasy aiasynda ótken otyrystan keiin jandandy dep aitsam artyq emes» - dedi Eraly Toǵjanov.
Aita keteiik, «Nur Otan» partiiasy Tóraǵasynyń Birinshi orynbasary Baýyrjan Baibek jýyrda Atyraý oblysyna jasaǵan jumys sapary barysynda, Maqat aýdanynyń Dossor kentinde «Dossormunaigaz» kásiporyn qyzmetkerlerimen kezdesken edi. Onda munai salasy jumysshylarynyń jalaqy máselesi men jergilikti turǵyndardy jumyspen qamtý jaiy da sóz boldy. Sondai-aq, jergilikti dárigerlermen júzdesý kezinde olardyń mártebesi men quqyqtyq turǵydan qorǵalý máseleleri qozǵaldy. Qazirgi tańda partiia basqa da salalardaǵy qyzmetkerlerdiń quqyqtaryn qorǵaýǵa múddeli.
Osy oraida, jumyspen qamtý baǵyty boiynsha partiialyq kýrator alańynda osy saladaǵy kóptegen máselelerdi kóterip, olardy sheshýge yqpal etý kózdelýde. Sonymen qatar, partiia jumysshylardyń eńbek quqyqtary men múddelerin kózdeý, ishki eńbek naryǵyn qorǵaý boiynsha partiialyq jáne qoǵamdyq baqylaýdy júzege asyrýǵa bel býyp otyr.
Kelesi bir baǵyt – partiianyń qoǵamdyq qabyldaýlary men kásipodaqtardyń «Tatýlasý ortalyqtary» arqyly jumyskerlerdiń naqty máselelerin sheshý. Aldaǵy jumystarǵa «Jas Otan» jastar qanatynyń jáne «Keleshek» kásipodaq jastar keńesiniń belsendileri de tartylatyn bolady.
Atalǵan jumysqa «Nur Otan» partiiasynyń Májilistegi jáne barlyq deńgeidegi máslihattardaǵy fraktsiialary jumyldyrylmaq. Qazirgi kezde kásipodaq uiymdarynyń oblystyq deńgeidegi 10 ókili, aýdandyq jáne qalalyq deńgeidegi 16 ókili «Nur Otan» partiiasy atynan máslihat depýtattary bolyp tabylady. Aldaǵy sailaýda óńirlerdegi máslihattardaǵy kásipodaqtardyń ókildigi ulǵaitylatyn bolady.
Klara Naqyp
