Qazaqstanda ministrler 1 mln-1,7 million teńge aralyǵynda jalaqy alady, dep habarlaidy Ulysmedia.kz Kursiv.media basylymyna silteme jasap.
Elimizde 18 ministr bar, alaida basylymnyń saýalyna tek 10 vedomstvo jaýap bergen. Syrtqy ister, Qorǵanys, Ádilet, Eńbek, Bilim jáne ǵylym, Mádeniet, Ulttyq ekonomika, Ekologiia jáne Densaýlyq saqtaý ministrlikteri týra jaýap berýden bas tartqan. Tek Bas prokýratýranyń aralasýynan keiin Ekologiia men Densaýlyq saqtaý ministrlikteri jaýaptaryn ózgertken.
Resmi jaýaptardy saralai kele ministrlik basshylary 1 mln teńgeden 1,7 million teńgege deiin jalaqy alatyny belgili boldy.
Jalaqysy eń tómen ministrler ishinde Aýyl sharýashylyǵy ministri Erbol Qarashókeev bar. Qyzmet etken jyldary men ustap qalatyn alymdardy eseptegende ai saiyn shamamen 1 million teńge alady.
2020 jyly qyzmetke kelgen Tótenshe jaǵdailar ministri Iýrii Ilinniń de jalaqysy 1 million teńge shamasynda. Jalaqyǵa general-leitinat sheni de esepke alynady.
Ekologiia, geologiia jáne tabiǵi resýrstar ministri Serikqali Brekeshevtiń jalaqysy eńbek ótili, zańdyq negizde alynatyn salyqtardy eseptegende 1,3 million teńgege teń. Brekeshev 2021 jyldyń 10 qyrkúieginde ministr bolyp taǵaiyndaldy.
Qarjy ministri Erulan Jamaýbaevtyń jalaqysy premer-ministrdiń orynbasary mindetin atqarǵanyn qosa eseptegende 1,5 million teńge shamasynda.
Aqparat jáne qoǵamdyq damý ministri Asqar Omarovtyń jalaqysy 1 564 849 teńge.
Densaýlyq saqtaý ministrliginde ortalyq memorgan basshylarynyń jalaqysy eńbek ótiline qarai 1 372 601 men 1 668 958 teńge aralyǵynda ekenin málimdedi. Ajar Ǵiniiattyń eńbek ótili 25 jyl, sáikesinshe ol maksimaldy 1,6 million teńge jalaqy alady. Ol bul laýazymǵa 2022 jyldyń 11 qańtarynda taǵaiyndalǵan.
Ishki ister ministri Marat Ahmetjanovtyń 20 jyl eńbek ótilin eseptegende 1 668 958 teńge jalaqy alady. Onyń ishinde sheni úshin qosymsha tólenetin 96 218,59 teńge bar.
Indýstriia jáne infraqurylymdyq damý ministriniń memlekettik qyzmettegi eńbek ótili 30 jyldan asady. Sáikesinshe ol da 1 668 958 teńge jalaqy alady. Óskenbaev ministr bolyp 2022 jyldyń 11 qańtarynda taǵaiyndaldy.
Saýda jáne integratsiia ministrligin basqaratyn Baqyt Sultanov ta 1 668 958 teńge alady.
Energetika ministri Bolat Aqsholaqovtyń jalaqysy 1 668 958 teńge. Eńbek jolyn 1994 jyly bastaǵan Aqsholaqov bul laýazymǵa 2022 jyldyń 11 qańtarynda keldi.
