Foto: REUTERS/Christian Hartmann/Pool
Frantsiia prezidenti Emmanýel Makron men Ýkraina prezidenti Vladimir Zelenskii Vatikandaǵy Rim Papasynyń jerleý rásiminde kezdesip, Ýkrainadaǵy soǵysty toqtatý joldaryn talqylady, dep habarlaidy Ult.kz.
Makronnyń aitýynsha, Zelenskii atysty sózsiz toqtatýǵa daiyn ekenin bildirgen jáne bul baǵytta amerikalyqtarmen ári eýropalyqtarmen birlesip jumys isteýge nietti.
"Ýkrainadaǵy soǵysty toqtatý – biz prezident Tramppen birge kózdeitin ortaq maqsat. Ýkraina oq atýdy sózsiz toqtatýǵa daiyn. Prezident Zelenskii búgin maǵan muny rastady. Ol bul úshin amerikalyqtarmen jáne eýropalyqtarmen birlesip jumys isteýge nietti, – deidi Makron.
Makron Resei prezidenti Vladimir Pýtinniń beibitshilikke shynaiy umtylysyn dáleldeýi kerektigin de atap ótti. Sondai-aq ol Parijde qurylǵan "Erik koalitsiiasy" arqyly beibitshilik ornatýǵa kúsh salatynyn jetkizdi.
Aita keteiik, munyń aldynda Vladimir Zelenskii men Donald Tramp Rimde kezdesý ótkizgenin jazǵanbyz.
