Densaýlyq saqtaý vitse-ministri Ajar Ǵiniiat qai sanattaǵy dárigerlerdiń ailyǵyna ústemeaqy qosylatynyn aityp berdi, dep habarlaidy QazAqparat.
«KVI boiynsha simptomsyz patsienttermen jumys isteitin dárigerlerge ústemeaqy qarastyrylmaǵan. Sebebi olardyń patsientteri aýrýdy asa taratpaidy dep esepteledi. Sonymen birge emdeý hattamasyna sáikes olardy úilerine baryp emdeýdiń esh qajettigi joq. Iaǵni olar patsienttermen telefon arqyly ǵana sóilese beredi», - dedi Ajar Ǵiniiat OKQ-da ótken baspasóz máslihatynda.
Vitse-ministrdiń aitýynsha, emhanalarda infektsiialyq syrqattar boiynsha jumys isteitin dárigerlerge keltirilgen ziian úshin ústemeaqy berý qarastyrylǵan.
«Emhanalardyń kóbi provizorlyq statsionarlar retinde jasaqtaldy. Dárigerler virýs oshaqtaryna barady, úilerdi aralaidy. Bul máseleni qazir Densaýlyq saqtaý ministrligi qarap jatyr. Ústemeaqy bolady», - dedi Ajar Ǵiniiat.
