Búgin Almatydaǵy №7 qalalyq klinikalyq aýrýhana aldynda uzyn-sonar kezek paida boldy, dep habarlaidy "Ult aqparat".
Áleýmettik jelide Almatydaǵy № 7 qalalyq klinikalyq aýrýhana aldyndaǵy uzyn-sonar kezektiń videosy paida boldy. Beinejazbadan turǵyndardyń dárigerge qaralýǵa kirgizbei jatqanyna shaǵymdanyp jatqanyn kórýge bolady.
Óz kezeginde №7 qalalyq klinikalyq aýrýhananyń baspasóz qyzmeti emhana jumysy tańǵy saǵat 08: 00-de bastalatynyn aitty. Al adamdar tańǵy 07: 00-den kelgen. Sondai-aq, naýqastar aldyn ala jazylý arqyly qabyldanady.
«Koronavirýs infektsiiasynyń taralýyna jol bermeý maqsatynda emhananyń kireberisinde kelýshilerge aldyn ala dezinfektsiia jumysy júrgiziledi. Qabyldaý kezinde naýqastar emhana ishinde áleýmettik araqashyqtyqty saqtaýy tiis. Emhana ujymy bul týraly únemi eskertedi, alaida emhanaǵa kelýshilerdiń barlyǵy birdei bul talapqa qulaq asa bermeidi. Osy múmkindikti paidalanyp, emhana ákimshiligi patsientterinen sanitarlyq normalardy saqtaýdy suraidy», - dep jaýap berdi №7 qalalyq klinikalyq aýrýhananyń baspasóz qyzmeti.
