بٷگٸن الماتىداعى №7 قالالىق كلينيكالىق اۋرۋحانا الدىندا ۇزىن-سونار كەزەك پايدا بولدى, دەپ حابارلايدى "ۇلت اقپارات".
ەلەۋمەتتٸك جەلٸدە الماتىداعى № 7 قالالىق كلينيكالىق اۋرۋحانا الدىنداعى ۇزىن-سونار كەزەكتٸڭ ۆيدەوسى پايدا بولدى. بەينەجازبادان تۇرعىنداردىڭ دەرٸگەرگە قارالۋعا كٸرگٸزبەي جاتقانىنا شاعىمدانىپ جاتقانىن كٶرۋگە بولادى.
ٶز كەزەگٸندە №7 قالالىق كلينيكالىق اۋرۋحانانىڭ باسپاسٶز قىزمەتٸ ەمحانا جۇمىسى تاڭعى ساعات 08: 00-دە باستالاتىنىن ايتتى. ال ادامدار تاڭعى 07: 00-دەن كەلگەن. سونداي-اق, ناۋقاستار الدىن الا جازىلۋ ارقىلى قابىلدانادى.
«كوروناۆيرۋس ينفەكتسيياسىنىڭ تارالۋىنا جول بەرمەۋ ماقساتىندا ەمحانانىڭ كٸرەبەرٸسٸندە كەلۋشٸلەرگە الدىن الا دەزينفەكتسييا جۇمىسى جٷرگٸزٸلەدٸ. قابىلداۋ كەزٸندە ناۋقاستار ەمحانا ٸشٸندە ەلەۋمەتتٸك اراقاشىقتىقتى ساقتاۋى تيٸس. ەمحانا ۇجىمى بۇل تۋرالى ٷنەمٸ ەسكەرتەدٸ, الايدا ەمحاناعا كەلۋشٸلەردٸڭ بارلىعى بٸردەي بۇل تالاپقا قۇلاق اسا بەرمەيدٸ. وسى مٷمكٸندٸكتٸ پايدالانىپ, ەمحانا ەكٸمشٸلٸگٸ پاتسيەنتتەرٸنەن سانيتارلىق نورمالاردى ساقتاۋدى سۇرايدى», - دەپ جاۋاپ بەردٸ №7 قالالىق كلينيكالىق اۋرۋحانانىڭ باسپاسٶز قىزمەتٸ.
