QR Densaýlyq saqtaý ministri Eljan Birtanov koronavirýs indeti boiynsha Qazaqstandaǵy ahýal týraly aitty, - dep habarlaidy "Ult aqparat".
«Ótken táýlikte 140 jańa naýqas tirkeldi. Ósim deńgeii 14,7 paiyzdy qurady. Onyń ishinde eń úlken san Almaty qalasynda - 106, ósim deńgeii - 64 paiyz, Qaraǵandy oblysynda - 12, ósim deńgeii - 18 paiyz, Nur-Sultan qalasynda - 9, ósim deńgeii - 3,6 paiyz boldy», - dedi ministr.
Jalpy Eljan Birtanovtyń dereginshe, elimizde koronavirýstan 14 adam qaza boldy. Onyń ishinde ótken táýlikte 2 naýqas ómirden ozdy.
«Jazylyp shyqqan naýqastardyń jalpy sany - 138 adam. Qazirgi tańda 939 naýqas statsionarlyq em alyp jatyr. Olardyń ishinde 57 bala bar. Jaǵdaiy turaqty naýqastardyń sany 82 paiyz nemese 770 naýqastyń jaǵdaiy jeńil. Ortasha deńgeide 151 naýqas nemese 16 paiyz, aýyr deńgeide 18 naýqas nemese 2 paiyz. Jasandy jeldetý apparatynda 8 naýqas jatyr. Jalpy reanimatsiiadan 16 adam emdelip shyqty. Sońǵy táýlikte úsh adam reanimitsiiadan jalpy palataǵa aýystyryldy», - dedi ol.
