قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس ٸندەتٸ بويىنشا قازاقستانداعى احۋال تۋرالى ايتتى, - دەپ حابارلايدى "ۇلت اقپارات".
«ٶتكەن تەۋلٸكتە 140 جاڭا ناۋقاس تٸركەلدٸ. ٶسٸم دەڭگەيٸ 14,7 پايىزدى قۇرادى. ونىڭ ٸشٸندە ەڭ ٷلكەن سان الماتى قالاسىندا - 106, ٶسٸم دەڭگەيٸ - 64 پايىز, قاراعاندى وبلىسىندا - 12, ٶسٸم دەڭگەيٸ - 18 پايىز, نۇر-سۇلتان قالاسىندا - 9, ٶسٸم دەڭگەيٸ - 3,6 پايىز بولدى», - دەدٸ مينيستر.
جالپى ەلجان بٸرتانوۆتىڭ دەرەگٸنشە, ەلٸمٸزدە كوروناۆيرۋستان 14 ادام قازا بولدى. ونىڭ ٸشٸندە ٶتكەن تەۋلٸكتە 2 ناۋقاس ٶمٸردەن وزدى.
«جازىلىپ شىققان ناۋقاستاردىڭ جالپى سانى - 138 ادام. قازٸرگٸ تاڭدا 939 ناۋقاس ستاتسيونارلىق ەم الىپ جاتىر. ولاردىڭ ٸشٸندە 57 بالا بار. جاعدايى تۇراقتى ناۋقاستاردىڭ سانى 82 پايىز نەمەسە 770 ناۋقاستىڭ جاعدايى جەڭٸل. ورتاشا دەڭگەيدە 151 ناۋقاس نەمەسە 16 پايىز, اۋىر دەڭگەيدە 18 ناۋقاس نەمەسە 2 پايىز. جاساندى جەلدەتۋ اپپاراتىندا 8 ناۋقاس جاتىر. جالپى رەانيماتسييادان 16 ادام ەمدەلٸپ شىقتى. سوڭعى تەۋلٸكتە ٷش ادام رەانيميتسييادان جالپى پالاتاعا اۋىستىرىلدى», - دەدٸ ول.
