Densaýlyq saqtaý ministri Eljan Birtanov ózge elderden keletin jolaýshylardy Qazaqstanǵa kirgizýdi shekteý sharalaryna bailanysty pikir bildirdi, dep habarlaidy QazAqparat.
«Shekteý bolýy tiis. Kóptegen el shekteýdi engizedi. 4 naýryzda birinshi sanattaǵy elderden kelgen shetel azamattary úshin shekteýler engizildi. Jolaýshylar aǵynyn qysqartý úshin osyndai normalar kúshine endi. Ókinishke qarai, bizdiń azamattarymyz eskertý men qaýip-qaterge qaramai, basqa elderge, ásirese birinshi sanattaǵy elderge shyǵýlaryn qoiar emes. Ásirese, bizdiń azamattar kóp baratyn Ońtústik Koreiany erekshe atap ótkim keledi. Aýrý keń taralyp kele jatqandyqtan birtindep shekteý sharalaryn engizýdemiz. Sondyqtan biz alǵashqy kúnderden bastap azamattarymyzdy bul elderge barmaýǵa shaqyrdyq. Bizdi bizneske kedergi keltirdi degen syńaida synǵa aldy. Biraq bul usynystar azamattarymyzdy qorǵaýǵa baǵyttalǵan», - dedi Eljan Birtanov OKQ-da ótken baspasóz konferentsiiasynda.
Ministrdiń aitýynsha, eskertýge qaramastan ketip qalǵan azamattar elge kelgen kezde shekteý sharalaryna daiyn bolýy tiis.
«Bul densaýlyq saqtaý kodeksine sáikes zańdy qadam. Osy standarttardy buzǵany úshin jaýapkershilik te qarastyrylǵan. Shekteýler engizilgenimen biz árdaiym basqa elderdiń áýe kompaniialaryna yqpal ete almaimyz. Sondyqtan halyqty qorǵaý maqsatynda bizge kelip jatqan azamattardy deportatsiialaýǵa deiingi áreketti jasaýǵa, jer aýdarýdy júzege asyrýǵa quqyǵymyz bar. Atap aitqanda, 4-i kúni BAÁ-den bort keldi. Onda QHR-dyń eki azamaty bar bolyp shyqty. Biz olardy oqshaýlap, baqylap, Qytaiǵa jiberdik. Basqa elder de osyndai sharalardy qabyldaýda. Bul úilesimdi saiasat», - dedi ministr.
Osyǵan bailanysty Densaýlyq saqtaý ministrligi qosymsha sharalardy qabyldamaq.
«Japoniiadan kelgen jolaýshylardyń jaǵdaiy týraly bilesizder. Olardyń jaǵdaiy turaqty, jaqyn arada emhanadan shyǵarylady. Sonymen qatar búgin Ońtústik Koreiadan bort keledi. Biz olardy da karantinge ornalastyramyz. Bizdiń klinikalardyń daiyndyǵy jaqsy. Ornalastyramyz, tekseremiz. Eger naýqastar bolsa, olardy mamandandyrylǵan aýrýhanalarǵa jatqyzamyz. Bizde azamattar úshin tamaqpen qamtamasyz etetin jáne sanitarlyq normalarǵa sai keletin oryndar jetkilikti. Karantinge jatqyzǵan azamattar aýrý adamdar emes. Olar deni saý adamdar», - dep sendirdi Eljan Birtanov.
