Senattyń Konstitýtsiialyq zańnamalar, sot júiesi jáne quqyq qorǵaý organdary komitetiniń keńeitilgen otyrysynda «Qazaqstan Respýblikasynyń keibir konstitýtsiialyq zańnamalaryna ózgerister men qosymshalar engizý» Zańynyń jobasy qaraldy. Bul týraly "Ult aqparat" QR Parlamenti Senatynyń baspasóz qyzmetine silteme jasap habarlaidy.
Qujat sailaý tetikterin, sonyń ishinde jańa institýttar engizý arqyly jetildirýge baǵyttalǵan.
«Qazaqstan Respýblikasyndaǵy sailaý týraly» konstitýtsiialyq zańǵa mynadai ózgerister engiziledi:
Aýyldyq deńgeidegi ákimderdi tikelei sailaý engiziledi (aýdandyq mańyzy bar qala, aýyl, kent, aýyldyq okrýg ákimi); partiialyq tizimder boiynsha sailanatyn máslihattardyń depýtattaryn sailaýdyń proportsionaldy júiesi belgilenýde; okrýgtik sailaý komissiialary pysyqtalady; aýyldyq deńgeidegi ákimder tikelei sailanatynyna bailanysty aýmaqtyq sailaý komissiialaryna sailaýdy uiymdastyrý men ótkizýdi qamtamasyz etý, sonyń ishinde aýyl ákimderiniń ókilettigi berildi; aýmaqtyq sailaý komissiialarynyń eki múshesi kəsibi negizde ókilettigin júzege asyrady; sailaý protsesine tsifrlandyrý elementteri, onyń ishinde sailaýshylar tizimin sandyq júiege kóshirý engiziledi; elektrondyq buqaralyq aqparat quraldarynda sailaýaldy úgit-nasihat júrgizý retteledi; halyqaralyq baqylaýshylardy akkreditteýdi qaitaryp alý tártibi naqtylanýda.
Sondai-aq, zań jobasyna memlekettik Eltańbadaǵy «Qazaqstan» degen sózdi latyn áripterimen jazý qarastyrylatyn «Qazaqstan Respýblikasynyń memlekettik rámizderi týraly» Konstitýtsiialyq zańyna túzetýler engizilip jatyr.
Sonymen qatar, otyrysta «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» zań jobasy birinshi oqylymda qaraldy.
Zań jobasy «Qazaqstan Respýblikasynyń keibir konstitýtsiialyq zańdaryna ózgerister men tolyqtyrýlar engizý týraly» Konstitýtsiialyq zań jobasyna sáikes, zańnamalyq aktilerdi engizý maqsatynda jasalǵan.
Ózgerister bes zańnamalyq aktige engizilip jatyr: Biýdjet kodeksi, Ákimshilik quqyq buzýshylyq týraly kodeks, «Qazaqstan Respýblikasyndaǵy jergilikti ózin-ózi basqarý jáne ózin-ózi basqarý týraly», «Saiasi partiialar týraly» jáne «Qazaqstan Respýblikasy memlekettik qyzmet týraly» zańdarǵa ózgerister engizilýde.
Zań jobasyna mynadai negizgi ózgerister men tolyqtyrýlar engiziledi:
jergilikti biýdjet qarajaty esebinen sailaýshylar men sailaý komissiialarynyń múshelerin oqytý kiriktirilýde; sailaýǵa qatysatyn úmitkerlerdiń, saiasi partiialardyń úgit-nasihat materialdaryn jariialaý nemese efirge shyǵarý tártibin buzǵany úshin, sondai-aq sailaýǵa bailanysty qoǵamdyq pikir saýalnamasyn ótkizý shartyn buzǵany úshin jaýapkershilik ornatylyp jatyr; aýyldyń deńgeidegi ákimderdiń ókilettikterin toqtatý jáne qyzmetke taǵaiyndaý tártibi aiqyndalady.
Zań jobalary palatanyń qaraýyna berildi.
